Marko 1:34 - BAIBLO ALOO NGMAMI KLƆUKLƆU Ɔ

³⁴ Yesu tsa nihi nɛ ngɛ hiɔ slɔɔtoslɔɔtohi nue, nɛ e hia mumi yayamihi babauu. Se e ha we mumi yayami ɔmɛ blɔ nɛ a de nɔ́ ko, ejakaa a le kaa lɛ ji Kristo ɔ nɛ.

Somi He Ɔ

³⁴ Yesu tsa nihi babauu nɛ hiɔhi slɔɔtohi hɛɛ mɛ ɔ, nɛ e hia mumi yayamihi fuu. E ha we mumi yayami ɔmɛ blɔ nɛ a de nɔ́ ko, ejakaa a le nɔ nɛ ji lɛ.

Marko 1:34 ပူးပေါင်းရင်းမြစ်များ

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Marko 1:25

Yesu nga mumi yayami ɔ yi ke, “Ma o nya! Jee kpo ngɛ e ɔ mi.”

Marko 3:12

Yesu bɔ mumi yayami ɔmɛ kɔkɔ veveeve ke a ko je lɛ si kɛ tsɔɔ.

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.