Marko 1:27 - BAIBLO ALOO NGMAMI KLƆUKLƆU Ɔ

²⁷ Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Somi He Ɔ

²⁷ Ni ɔmɛ tsuo pɛpɛɛpɛ nɛ ngɛ kpe he ɔ he nya si mɛ nɛ a bɔni a he bimi ke: “Mɛni ji nɛ ɔ? Oʼɛ tsɔɔmi he ko nɛ hewami ngɛ mi! Nɔmlɔ nɛ ɔ ngɛ he blɔ nɛ e kɛ keɔ mumi yayamihi a yi nɛ a buɔ lɛ tue!”

Marko 1:27 ပူးပေါင်းရင်းမြစ်များ

Mateo 15:31

Benɛ ma kpekpemi ɔ na nɛ amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ hule ɔ ngɛ nyɛɛe, nɛ hɛ yuyuili ɔmɛ ngɛ nɔ́ hyɛe ɔ, a nya kpɛ a he. Nɛ a je Israel Mawu ɔ yi.

Mateo 8:9

Imi hu i ngɛ nihi nɛ yeɔ ye nɔ, kɛ ta buli ngɛ ye sisi. I deɔ nɔ kake ke, ‘Yaa’, nɛ e yaa; i deɔ nɔ kpa ke, ‘Ba’, nɛ e baa; jehanɛ se hu, i deɔ ye nyɔguɛ ke, ‘Pee enɛ ɔ’, nɛ e peeɔ.”

Mateo 9:33

Yesu hia mumi yayami ɔ, nɛ amlɔ ɔ, amuɛti ɔ bɔni munyu tumi. Nɔ́ nɛ ɔ pee nimli kpekpemi ɔ nyakpɛ, nɛ a de ke, “A nɛ kikɛmɛ a nɔ́ nɛ ɔ eko hyɛ ngɛ Israel!”

Marko 1:26

Mumi yayami ɔ huanya nyumu ɔ; nyumu ɔ kpa ngmlaa wawɛɛ, kɛkɛ nɛ mumi ɔ je e mi.

Marko 1:28

Enɛ ɔ he ɔ, Yesu he sane gbɛ fĩa Galilea kpokpa a tsuo nɔ.

Marko 10:24

Nɛ e de kikɛ nɛ ɔ, e kaseli ɔmɛ a he mi po. Se Yesu ya nɔ nɛ e de mɛ ke “Ye bimɛ, tse nyɛ na bɔ nɛ e wa ha nɔ ko nɛ ngɔɔ e hɛ ngɔ fɔɔ sika nɔ kaa e maa sɛ Mawu matsɛ yemi ɔ mi.

Marko 10:32

Jehanɛ Yesu kɛ e kaseli ɔmɛ ngɛ blɔ ɔ nɔ kɛ yaa Yerusalem, nɛ Yesu nyɛɛ a hɛ mi. Kaseli ɔmɛ a hɛ mi pee mɛ yaa, nɛ nihi nɛ nyɛɛ se ɔ, gbeye nu mɛ. Yesu ngɔ ni nyɔngma kɛ enyɔ ɔmɛ kɛ ya se ekohu, nɛ e bɔni mɛ níhi nɛ maa ba e nɔ ɔ demi ke,

Marko 16:5

Kɛkɛ nɛ a sɛ yɔkɔ ɔ mi, nɛ a na niheyo ko nɛ hii si ngɛ hiɔ nɔ je kɛ e he tade hiɔ klɔii. Enɛ ɔ ha nɛ a ye gbeye.

Marko 16:6

Se niheyo ɔ de mɛ ke, “Nyɛ ko ye gbeye! Nyɛ ngɛ Yesu, Nazaret no nɛ a sɛu ɔ hlae; pi jã? E te si! E be hiɛ ɔ. He nɛ a kɛ lɛ fɔ ɔ ji nɛ ɔ nɛ.

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

Luka 9:1

Yesu tsɛ ni nyɔngma kɛ enyɔ ɔmɛ kɛ kpe, nɛ e ha mɛ he wami nɛ a kɛ hia mumi yayamihi tsuo, nɛ a kɛ tsa hiɔhi hulɔ.

Ni Tsumi 17:19

Lɔ ɔ he ɔ, a ngɔ Paulo kɛ ho ma kpe ngua nɛ a tsɛɛ Areopago ɔ hɛ mi ya. A de lɛ ke, “Tsɔɔmi he nɛ o ngɛ he munyu tue nɛ ɔ, wa maa suɔ nɛ o de wɔ he nɔ́ ko bɔɔ.