Marko 1:26 - BAIBLO ALOO NGMAMI KLƆUKLƆU Ɔ

²⁶ Mumi yayami ɔ huanya nyumu ɔ; nyumu ɔ kpa ngmlaa wawɛɛ, kɛkɛ nɛ mumi ɔ je e mi.

Somi He Ɔ

²⁶ Nɛ mumi yayami ɔ huanya lɛ, nɛ e kpa mgnlaa wawɛɛ, nɛ e je e mi?

Marko 1:26 ပူးပေါင်းရင်းမြစ်များ

Marko 1:25

Yesu nga mumi yayami ɔ yi ke, “Ma o nya! Jee kpo ngɛ e ɔ mi.”

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 9:20

Nɛ a pee ja. Benɛ mumi ɔ na Yesu ɔ, amlɔ ɔ, e ha jokuɛ ɔ lua gaganii, nɛ e nɔ si. E kɛ e he wuwlua si, nɛ e nya mi fia hwɔli.

Marko 9:26

Mumi ɔ kpa ngmlaa, nɛ e ha jokuɛ ɔ lua gaganii, nɛ e je e mi. Jokuɛ ɔ pee kaa nɔ gbogboe. Lɔ ɔ he ɔ, bɔ nɛ nihi babauu de ji, “Jokuɛ ɔ gbo.”

Luka 11:22

Se ke nɔ nɛ he wa pe lɛ ba tua lɛ, nɛ e ye e nɔ ɔ, e kpɔɔ e ta hwumi níhi tsuo nɛ e ngɔ e hɛ ngɔ fɔ nɔ ɔ ngɛ e dɛ, nɛ e dlaa e ju ní ɔ mi.

Luka 9:39

Ke pee ɔ, mumi yayami maa ba e nɔ, nɛ e ma kpa ngmlaa si kake too. Kɛkɛ mumi ɔ ma ha nɛ e ma lua gaganii, nɛ e nya maa fia hwɔli. Mumi ɔ maa hi jokuɛ nɛ ɔ nɔ́ yeyee pee hluu nɛ he jɔmi be mi.

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.