Marko 1:20 - BAIBLO ALOO NGMAMI KLƆUKLƆU Ɔ

²⁰ Benɛ Yesu hɛ gba a nɔ pɛ nɛ e tsɛ mɛ; kɛkɛ nɛ a si a tsɛ Zebedeo kɛ apaa yeli ɔmɛ ngɛ lɛ ɔ mi, nɛ a nyɛɛ e se.

Somi He Ɔ

²⁰ Benɛ Yesu na mɛ ɔ, e tsɛ mɛ; lɔ ɔ he ɔ a si a tsɛ Zebedeo kɛ apaatsɛmɛ ɔmɛ ngɛ lɛ ɔ mi nɛ a ba nyɛɛ e se.

Marko 1:20 ပူးပေါင်းရင်းမြစ်များ

Matsɛmɛ I, 19:20

Kɛkɛ nɛ Elisha je e na amɛ a he, nɛ e tu fo kɛ nyɛɛ Eliya se; nɛ e de lɛ ke, “I kpa mo pɛɛ, ha nɛ i kɛ tsaatsɛ, kɛ maa ya ye sɛ, konɛ ma ba nyɛɛ o se.” Eliya he nɔ ke, “Yoo, moo ya. I tsi we o nya!”

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Marko 1:19

E ya e hɛ mi bɔɔ kɛkɛ nɛ e na nyɛmimɛ kpahi, Yakobo kɛ Yohane, Zebedeo binyumu ɔmɛ. A ngɛ a lɛ ɔ mi nɛ a ngɛ a ya amɛ dlae.

Marko 1:21

Jehanɛ Yesu kɛ e kaseli ɔmɛ ba ma nɛ a tsɛɛ Kapernaum ɔ. Hejɔɔmi ligbi ɔ, Yesu ya kpe he ɔ, nɛ e ya tsɔɔ ní.

Marko 10:29

Yesu de mɛ jehanɛ ke, “Niinɛ i ngɛ nyɛ dee ke, nɔ tsuaa nɔ nɛ si e we, loo nyɛminyumuhi, loo nyɛmiyihi, loo nyɛ, loo tsɛ, loo bimɛ, loo zugba ngɛ imi, kɛ sane kpakpa a wa he ɔ,

Luka 14:26

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Luka 5:11

A sã lɛ ɔmɛ kɛ fɔ kpo, nɛ a si a nɔ́ tsuaa nɔ́, nɛ a ya nyɛɛ Yesu se.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Mose V, 33:9

A ngmɛɛ we o he, se mohu a kua a fɔli, kɛ a nyɛminyumu ɔmɛ, kɛ a bimɛ. A bu o gbi tue, nɛ a ye o somi ɔ nɔ.