Marko 1:13 - BAIBLO ALOO NGMAMI KLƆUKLƆU Ɔ

¹³ E ya hi lejɛ ɔ ligbi nyingmi eywiɛ, nɛ Abosiami ka lɛ; nga mi lohwehi hu ngɛ lejɛ ɔ, se Mawu bɔfohi ba hyɛ lɛ.

Somi He Ɔ

¹³ E ye ligbi nyingmi eywiɛ ngɛ lejɛ ɔ, nɛ Satan ka lɛ. Nga mi lohwehi hu ngɛ lejɛ ɔ; nɛ hiɔwe bɔfohi ba ba sɔmɔ lɛ.

Marko 1:13 ပူးပေါင်းရင်းမြစ်များ

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Mateo 26:53

Anɛ o susu kaa i be nyɛe ma kpa Tsaatsɛ pɛɛ, nɛ amlɔ nɛ ɔ nɔuu e maa tsɔ hiɔwe bɔfohi asafo nyɔngma kɛ enyɔ kɛ se kɛ ba nɛ a ba je ngmlaa ha mi lo?

Mateo 4:1

Jehanɛ ɔ, Mumi ɔ ngɔ Yesu kɛ ho nga a nɔ ya, konɛ Abosiami ya ka lɛ.

Luka 4:1

Yesu kpale e se kɛ je Yordan kɛ ba, nɛ Mumi Klɔuklɔu ɔ hyi lɛ tɔ. Mumi ɔ ngɔ lɛ kɛ ya nga a nɔ,

Mose V, 9:11

Nyɔnyɔɔnyɔ kɛ piapiaapia ligbi nyingmi eywiɛ se loko Yawɛ ngɔ tɛ tɛtlɛɛ enyɔ ɔmɛ nɛ e ngma mlaa amɛ ngɛ a nɔ ɔ ngɔ ha mi.

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose V, 9:25

“Lɔ ɔ he ɔ, i ya kpla si ngɛ Yawɛ hɛ mi nyɔnyɔɔnyɔ kɛ piapiaapia ligbi nyingmi eywiɛ sɔuu kɛ kpa pɛɛ ha nyɛ; ejakaa i le kaa Yawɛ to kaa e ma kpata nyɛ hɛ mi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.