Manyadali 9:5 - BAIBLO ALOO NGMAMI KLƆUKLƆU Ɔ

⁵ Lɔ ɔ se ɔ, e pue nɔ kɛ ho e tsɛ we ɔ mi ya ngɛ Ofra, nɛ e ya gbe e nyɛminyumu nyingmi kpaago ɔmɛ nɛ ji Yerubaal bimɛ ɔmɛ ngɛ tɛ kake nɔ ngɛ lejɛ ɔ. Se Yotam, Yerubaal binyumu wayoo pe kulaa a lɛɛ e laa e he, nɛ Abimelek nine sui e nɔ.

Manyadali 9:5 ပူးပေါင်းရင်းမြစ်များ

Matsɛmɛ I, 1:12

Ha ma wo mo ga nɛ o kɛ he mo nitsɛ o yi wami, kɛ o bi Salomo hu yi wami.

Matsɛmɛ I, 1:21

Ke o pee we ja, nɛ hwɔɔ se o ba gbo ɔ, a kɛ imi, kɛ ye bi Salomo maa ye kaa nɔ se blɔ tsɔɔli.”

Matsɛmɛ II, 10:17

Benɛ a ya su lejɛ ɔ, Yehu gbe Ahab nyɛmimɛ ɔmɛ tsuo nɛ piɛ ngɛ lejɛ ɔ. E kpata mɛ tsuo pɛpɛɛpɛ a hɛ mi; nɔ kake ngmelu po píɛ. Nɔ́ nɛ Yawɛ de Eliya ke e maa ba mi ji nɛ ɔ nɛ.

Matsɛmɛ II, 10:7

Benɛ Yehu womi ɔ ba su Samaria ma nimeli ɔmɛ a dɛ ɔ, a nuu matsɛ binyumu nyingmi kpaago ɔmɛ nɛ a gbe mɛ. Lɔ ɔ se ɔ, a ngɔ a yi koklodo ɔmɛ kɛ wo kusiihi a mi; nɛ a tsɔ nɛ a kɛ ya ha Yehu ngɛ Yezreel.

Matsɛmɛ II, 11:3

Yehosheba ngɔ jokuɛ nyumuyo ɔ kɛ laa ngɛ Yawɛ we ɔ jeha ekpa, be mi nɛ Atalia ngɛ manyɛ yee ngɛ zugba a nɔ ɔ.

Kronika II, 21:4

Benɛ Yehoram ba hi sɛ ɔ nɔ ngɛ e tsɛ se, nɛ e matsɛ yemi ɔ ba da si ɔ, e gbe e nyɛminyumu ɔmɛ tsuo, kɛ Israel ganɔ komɛ hulɔ.

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Mateo 2:20

nɛ e de lɛ ke, “Tee si! Ngɔɔ bimwɔyo ɔ, kɛ e nyɛ ɔ, nɛ o kpale o se kɛ ya Israel zugba a nɔ. Ejakaa nihi nɛ hla kaa a gbe bimwɔyo ɔ, a gbo.”

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Manyadali 8:30

Gideon fɔ binyumuhi nyingmi kpaago, nɛ ji lɛ nitsɛ e bimɛ, ejakaa e ngɔ yihi babauu.

Manyadali 9:18

Se mwɔnɛ ɔ, nyɛ te si wo tsaatsɛ we ɔ. Nyɛ gbe e binyumuhi nyingmi kpaago ngɛ tɛ kake nɔ, nɛ nyɛ wo e binyumu Abimelek nɛ e kɛ e mawayo fɔ ɔ matsɛ ngɛ Shekem, ejakaa nyɛ nyɛmi ji lɛ.

Manyadali 9:2

a bi Shekem bi ɔmɛ tsuo ke, “Te nɔ́ nɛ da ha nyɛ nɛɛ? Kaa Yerubaal binyumuhi nyingmi kpaago ɔmɛ tsuo maa ye nyɛ nɔ, aloo nɔ kake pɛ nɛ ye nyɛ nɔ? Nyɛ kai hu kaa imi lɛɛ i kɛ nyɛ je langmɔ kpa kake nya.”

Manyadali 9:6

Kɛkɛ nɛ Shekem kɛ Bet Milo bi ɔmɛ tsuo bua a he nya, nɛ a ya wo Abimelek matsɛ ngɛ Shekem, ngɛ tso ngua a kasa nya.