Manyadali 9:45 - BAIBLO ALOO NGMAMI KLƆUKLƆU Ɔ

⁴⁵ Abimelek kɛ ma a hwu ta jamɛ a ligbi ɔ tsuo kɛ ya si e ngɔ ma a. E gbe nimli tsuo nɛ ngɛ ma a mi, nɛ e kpata ma a hɛ mi. Lɔ ɔ se ɔ, e fĩa ngo kɛ pue zugba a nɔ tsuo.

Manyadali 9:45 ပူးပေါင်းရင်းမြစ်များ

Matsɛmɛ II, 3:25

nɛ a kpata a ma amɛ a hɛ mi. Zugba kpakpa amɛ lɛɛ nɔ tsuaa nɔ fɔ tɛ kɛ pue a nɔ, kɛ ya si tɛ ɔmɛ ha zugba amɛ a nɔ A tsi nyu vu ɔmɛ tsuo, nɛ a poo tso kpakpa amɛ hulɔ. Kir Heres nɛ ji ma ngua a pɛ nɛ a si; se amlami tɛ fiali ɔmɛ ya sa jamɛ a ma a po yi nɛ a tua lɛ.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Zefania 2:9

Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Ezekiel 47:11

Se taku ɔmɛ, kɛ mɔsɔ ɔmɛ lɛɛ a be tsakee; a maa nɔ ngo.

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Matsɛmɛ I, 12:25

Matsɛ Yeroboam ya po ma ngɛ Shekem ngɛ Efraim yo ɔmɛ a nɔ, nɛ e hi lejɛ ɔ. Pee se ɔ, e je ya po ma ngɛ Penuel.

Manyadali 9:44

Abimelek kɛ asafo kuu nɛ piɛ e he ɔ pee esɔ nɛ a ya da si ngɛ ma agbo ɔ nya. Kɛkɛ nɛ asafo kuu kpa enyɔ ɔmɛ ya tua ni ɔmɛ nɛ ngɛ nga a nɔ ɔ; nɛ a gbe mɛ tsuo.