Manyadali 9:24 - BAIBLO ALOO NGMAMI KLƆUKLƆU Ɔ

²⁴ A pee nɔ́ nɛ ɔ konɛ a kɛ ye Yerubaal binyumu nyingmi kpaago ɔmɛ nɛ a gbe ɔ a he lue; bɔ nɛ pee nɛ a muɔ ɔ nɛ tloo a nyɛminyumu Abimelek kɛ Shekem bi ɔmɛ nɛ wo lɛ he wami loko e gbe e nyɛmimɛ ɔmɛ ɔ.

Manyadali 9:24 ပူးပေါင်းရင်းမြစ်များ

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

La 7:16

E musu maa tloo lɛ nitsɛ; lɛ nitsɛ e yayami ɔ maa ye lɛ awi.

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.

Mose V, 27:25

“ ‘Mawu maa gbiɛ nɔ tsuaa nɔ nɛ heɔ nyɔ mi ní, nɛ e kɛ pueɔ nɔ ko nɛ pee we nɔ́ ko muɔ si.’ “Ma a tsuo ma he nɔ ke, ‘Amen!’

Mose IV, 35:33

Ke nyɛ pee ja a, nyɛ ble zugba a nɛ nyɛ ngɛ nɔ ɔ. Muɔ bleɔ zugba, nɛ kpatami nɔ́ ko be kɛ ha zugba nɛ a pue muɔ si ngɛ nɔ kaa ja nɔ nɛ pue muɔ si ɔ nɔuu e muɔ.

Manyadali 9:25

Shekem bi ɔmɛ ha ni komɛ ya wo Abimelek ka ngɛ yo ɔmɛ a yi mi, nɛ nɔ tsuaa nɔ nɛ ma ba gu jamɛ a blɔ ɔ nɔ kɛ be ɔ, kɛkɛ a kpɔ e níhi ngɛ e dɛ. A ya sɛɛ munyu nɛ ɔ ha Abimelek.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Matsɛmɛ I, 2:33

A muɔ yi sɔ̃ ɔ maa ba Yoab kɛ e nina a nɔ kɛ maa ya neneene. Se David kɛ e nina nɛ ma ba hi e sɛ ɔ nɔ ɔ, mɛɛ Yawɛ ma ha mɛ tue mi jɔmi kɛ maa ya neneene.”

La 7:17

Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.