Manyadali 9:13 - BAIBLO ALOO NGMAMI KLƆUKLƆU Ɔ

¹³ Se wai tso de mɛ ke, ‘Anɛ ma si ye wai nɛ haa mawuhi, kɛ nimli adesahi tsuo bua jɔmi ɔ, nɛ ma ya ye tsohi a nɔ matsɛ lo?’

Manyadali 9:13 ပူးပေါင်းရင်းမြစ်များ

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Abɛ Womi 31:6

Nyɛ ha ni nɛmɛ nɛ a hɛ mi miɔ nɛ e ma kpata a dã nɛ nya wa nɛ a nu; nɛ nyɛ ha ni nɛmɛ nɛ aywilɛho nu mɛ ɔ hu wai.

Fiɛlɔ 10:19

A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.

Fiɛlɔ 2:3

Ngɛ ye ní lemi ɔ kulaa se ɔ, i pee ye yi mi kaa ma nu dã, nɛ ma fiɛ, konɛ ye nɔ gbagba nɛ te. I susu kaa nɔ́ nɛ hi, nɛ sa nɔmlɔ adesa peemi ngɛ je mi e wami be ɔ tsuo ji nɛ ɔ nɛ.

Mose IV, 15:10

kɛ wai lita enyɔ. Enɛ ɔ ji bɔ nɛ a kɛ la sãã, nɛ jeɔ via kɛ haa Yawɛ.

Mose IV, 15:7

nɛ nyɛɛ ngɔ wai lita kake kɛ fa ngɔ piɛ he kɛ sã bɔ ɔ, konɛ e je via kɛ ha Yawɛ.

Manyadali 9:12

Kɛkɛ nɛ tso ɔmɛ ya de wai tso ke, ‘Moo lɛɛ moo ba nɛ o ba ye wa nɔ matsɛ!’

Manyadali 9:14

Nyagbenyagbe ɔ, tso ɔmɛ tsuo ya de mio tso ke, ‘Moo lɛɛ moo ba nɛ o ba ye wa nɔ matsɛ!’