Manyadali 8:5 - BAIBLO ALOO NGMAMI KLƆUKLƆU Ɔ

⁵ Benɛ a ya su Sukot ɔ, Gideon de nyumu ɔmɛ ngɛ ma a mi ke, “I kɛ ye we bi ɔmɛ ngɛ Zeba kɛ Zalmuna, Midian matsɛmɛ ɔmɛ a se nyɛɛe; nɛ pɔ tɔ wɔ. I kpa nyɛ pɛɛ, nyɛ hla nɔ́ ko ha ye we bi ɔmɛ nɛ a ye.”

Manyadali 8:5 ပူးပေါင်းရင်းမြစ်များ

Mose I, 33:17

Se Yakob lɛɛ e pue nɔ kɛ ho Sukot ya. E ya po we ngɛ lejɛ ɔ, nɛ e ma tsu ha e lohwe ɔmɛ hulɔ. Enɛ ɔ he je ɔ, a wo lejɛ ɔ biɛ ke Sukot.

La 60:6

Mawu de ngɛ e he klɔuklɔu ɔ ke, “Ma hwɔ lele kɛ gba Shekem mi; nɛ ma dla Sukot kɔ̃ ɔ mi kɛ ha ye ma a.

Samuel I, 25:18

Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

Manyadali 8:10

Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Manyadali 8:12

Midian matsɛmɛ enyɔ ɔmɛ, nɛ ji Zeba kɛ Zalmuna tu fo, se Gideon nyɛɛ a se kɛ ya si e nine su a nɔ. Kɛkɛ nɛ gbeye nu tabo ɔ tsuo.

Manyadali 8:15

Kɛkɛ nɛ Gideon ho nɛ e ya de Sukot bi ɔmɛ ke, “Nyɛ nɛ! Zeba kɛ Zalmuna a, mɛ ji nɛ ɔmɛ nɛ. Ni nɛ ɔmɛ a he nyɛ bɔ mi ahlua ngɛ, nɛ nyɛ bi mi ke, ‘Anɛ o nine su Zeba kɛ Zalmuna a nɔ momo loko o deɔ wɔ ke wa ha o ta buli ɔmɛ nɔ́ ko nɛ a ye, ejakaa pɔ tɔ mɛ?’ ɔ nɛ.”

Manyadali 5:23

Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”