Manyadali 8:4 - BAIBLO ALOO NGMAMI KLƆUKLƆU Ɔ

⁴ Jamɛ a be ɔ mi ɔ, Gideon kɛ nyumuhi lafa etɛ ɔmɛ nɛ piɛ e he ɔ ya su Yordan pa a nya, nɛ a po pa a. Jamɛ a be ɔ, pɔ tɔ mɛ, nɛ hwɔ gbe mɛ.

Manyadali 8:4 ပူးပေါင်းရင်းမြစ်များ

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

Samuel I, 30:10

David kɛ nyumuhi lafa eywiɛ tsa nyɛɛmi ɔ nɔ. Nyumuhi lafa enyɔ nɛ piɛ ɔ, pɔ tɔ mɛ nɛ a nyɛ we nɛ a po Besor pa a; lɔ ɔ he ɔ, mɛɛ a tlɔ pa a se.

Manyadali 7:25

A nu Oreb kɛ Zeeb, Midian ganɔ enyɔ ɔmɛ. A gbe Oreb ngɛ Oreb tɛ sa a he; se Zeeb lɛɛ a gbe lɛ ngɛ Zeeb wai muɔ ɔ he, be mi nɛ a nyɛɛ Midian bi ɔmɛ a se kɛ mwɔɔ. Pee se ɔ, a po Oreb kɛ Zeeb a yi, nɛ a ngɔ ba ha Gideon ngɛ Yordan pa a se.

Manyadali 8:3

Mawu nitsɛ lɛ ngɔ Oreb kɛ Zeeb, Midian ganɔ ɔmɛ kɛ wo nyɛ dɛ mi. Imi lɛɛ mɛni i nyɛ pee nɛ e kɛ nyɛ nɔ́ ɔ sɔ?” Benɛ e de ja kɛkɛ nɛ a mi mi fumi ɔ nya ba si.

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”