Manyadali 8:27 - BAIBLO ALOO NGMAMI KLƆUKLƆU Ɔ

²⁷ Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.

Manyadali 8:27 ပူးပေါင်းရင်းမြစ်များ

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

Manyadali 18:14

Kɛkɛ nɛ nyumu ni enuɔ ɔmɛ nɛ ya slaa Laish zugba a de a nyɛmimɛ ɔmɛ ke, “Anɛ nyɛ le kaa efɔd, kɛ amaga nɛ a kpɛ́, kɛ amaga nɛ a hlɔ nɛ a kɛ sika hiɔ ha he ngɛ we ɔ kake mi lo? Lɔ ɔ he ɔ, nyɛɛ hyɛ bɔ nɛ nyɛ maa pee ha!”

Manyadali 17:5

Kikɛmɛ a Mika nɛ ɔ ngɛ lɛ nitsɛ e jami he kɛ e mi amagahi nɛ a kpɛ́. E pee efɔd, nɛ e wo e binyumu ɔmɛ a ti nɔ kake osɔfo.

Manyadali 18:17

Se nyumu ni enuɔ ɔmɛ nɛ ya slaa zugba a, mɛɛ lɛɛ a sɛ we ɔ mi, nɛ a ya ngɔ amaga nɛ a hlɔ nɛ a kɛ sika hiɔ ha he ɔ, kɛ efɔd ɔ, kɛ amaga nɛ a kpɛ́ ɔ, be mi nɛ osɔfo ɔ, kɛ nyumuhi lafa ekpa amɛ nɛ mia kɛ ta hwumi ní ɔ daa si ngɛ agbo ɔ nya a.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

La 73:27

Nihi nɛ kua mo ɔ, a hɛ mi ma kpata. Ni nɛmɛ nɛ yi mo anɔkuale ɔ, o ma kpata mɛ tsuo a hɛ mi.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Manyadali 8:26

Sika tsu tue nya ní nɛ Gideon nine su nɔ ɔ tsuo jiimi ji kilo nyingmi enyɔ, slo sika ní kpahi, kuɛ gahi, tadehi nɛ a he jua wa nɛ hɛɛ alamua tu su nɛ Midian matsɛmɛ ɔmɛ woɔ ɔ, kɛ kɔsɔkɔsɔhi nɛ ngɛ a we afukpɔngɔ ɔmɛ a kuɛ ɔ.

Manyadali 8:28

Bɔ nɛ Israel bi ɔmɛ pee nɛ a kɛ ye Midian bi ɔmɛ a nɔ ji nɛ ɔ nɛ; nɛ kɛ je lɔ ɔ se ɔ, Midian bi ɔmɛ doo we a nya hu. Gideon be ɔ mi ɔ, zugba a nɔ jɔ jeha nyingmi eywiɛ sɔuu.

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Manyadali 2:2

Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!

Manyadali 2:3

Lɔ ɔ he ɔ, imi hu i ngɛ nyɛ dee ke i be ni ɔmɛ fiee kɛ je nyɛ blɔ ɔ nɔ. A ma plɛ pee nyɛ he nyɛli, nɛ a mawu ɔmɛ hu ma plɛ pee klama nɛ a tsɔ nyɛ.”

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.