Manyadali 8:26 - BAIBLO ALOO NGMAMI KLƆUKLƆU Ɔ

²⁶ Sika tsu tue nya ní nɛ Gideon nine su nɔ ɔ tsuo jiimi ji kilo nyingmi enyɔ, slo sika ní kpahi, kuɛ gahi, tadehi nɛ a he jua wa nɛ hɛɛ alamua tu su nɛ Midian matsɛmɛ ɔmɛ woɔ ɔ, kɛ kɔsɔkɔsɔhi nɛ ngɛ a we afukpɔngɔ ɔmɛ a kuɛ ɔ.

Manyadali 8:26 ပူးပေါင်းရင်းမြစ်များ

Kpojemi 18:16

nɛ a ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Sa a, kploba nɛ ngɛ fɛu, bo he jua wawɛ nɛ hɛɛ alamua tu su, kɛ bo tsu lɛ e buɔ, nɛ sika tsu, june, kɛ adiagba e kɛ dlaa e he!

Kpojemi 18:12

Nɔ ko nɔ ko be ní nɛ ɔmɛ hee hu: sika tsu, sika hiɔ, tɛhi nɛ a he jua wa, adiagba, kploba nɛ ngɛ fɛu, bo he jua wawɛ nɛ hɛɛ alamua tu su, seda, bo tsu, tso slɔɔtohi nɛ a he wa, suɔ wu níhi tsuo, tso slɔɔtohi nɛ a he jua wa saminya, akɔblee, dade, marble,

Yohane 19:5

Lɔ ɔ he ɔ, Yesu je kpo kɛ e yi jlasi nɛ a kɛ mio pee ɔ, kɛ e he tade he jua wawɛ tsutsuutsu ɔ. Pilato de mɛ ke, “Nyɛ nɛ nɔmlɔ ɔ!”

Yohane 19:2

nɛ ta buli ɔmɛ ngɔ mio kɛ pee jlasi, nɛ a kɛ fi e yi. A wo lɛ tade he jua wawɛ tsutsuutsu;

Yeremia 10:9

A kɛ sika hiɔ nɛ a si nɔ jeɔ Spania, nɛ a kɛ sika tsu hu jeɔ Ufaz kɛ ba haa sika ga ní tsuli, nɛ a kɛ peeɔ amagahi. A buɔ amaga amɛ bo hiɔ, kɛ bo he jua wawɛ nɛ hɛɛ alamua tu su nɛ bo loli kpakpahi lo.

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.

Ezekiel 27:7

Kploba a kɛ pee o mi abalaa amɛ, kploba nɛ a lo ní wo mi saminyayoo kɛ je Egipt. A yoɔ abalaa amɛ ngɛ se lokoo. Nɔ́ nɛ ha lɛ ɔ yi mi ɔ, bo bluu, kɛ bo he jua wawɛ nɛ hɛɛ alamua tu su a kɛ pee. A kɛ enɛ ɔmɛ tsuo je Kipro zugba nɛ wo bɔle lɛ ɔ nɔ.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Manyadali 8:21

Zeba kɛ Zalmuna de ke, “Mo nitsɛ moo te si nɛ o gbe wɔ; ejakaa bɔ nɛ nyumu ngɛ ɔ, ja e he wami ngɛ!” Kɛkɛ nɛ Gideon te si nɛ e gbe Zeba kɛ Zalmuna, nɛ e je sika ní ɔmɛ ngɛ a we afukpɔngɔ ɔmɛ a kuɛ.

Manyadali 8:25

A he nɔ ke, “Wa ma ha kɛ bua jɔmi!” Kɛkɛ nɛ a ngmɛ bo ngɛ zugba, nɛ nɔ tsuaa nɔ sake tue nya ní nɛ e ha a kɛ fɔ bo ɔ mi.

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.

Abɛ Womi 31:22

Lɛ nitsɛ e loɔ e sa nɔ bo; nɛ e buɔ kploba nɛ ngɛ fɛu, kɛ bo nɛ hɛɛ alamua tu su.

Yesaya 3:18

Jamɛ a ligbi ɔ, afɛu níhi tsuo nɛ Yerusalem yi ɔmɛ kɛ dlaa a he: nane si ga amɛ, níhi nɛ a kɛ hɔɔ a yi mi, a kuɛ ga amɛ,