Manyadali 8:24 - BAIBLO ALOO NGMAMI KLƆUKLƆU Ɔ

²⁴ Gideon ya nɔ nɛ e de mɛ ke, “Ma bi nyɛ nɔ́ ko. Nyɛ ti nɔ tsuaa nɔ nɛ ngɔ tue nya ní nɛ e ha ngɛ ta a mi ɔ kɛ ba.” (Midian bi ɔmɛ woɔ sika tsu tue nya ní; ejakaa Ishmael bi ji mɛ.)

Manyadali 8:24 ပူးပေါင်းရင်းမြစ်များ

Mose I, 25:13

e binyumuhi ngɛ a fɔmi nya ji nɛ ɔmɛ nɛ: Nebayot, Kedar, Adbeel, Mibsam,

Mose I, 37:28

nɛ benɛ Midian jua yeli komɛ ba su a ngɔ ɔ, Yosef nyɛmimɛ ɔmɛ je lɛ kɛ je muɔ ɔ mi, nɛ a jua lɛ kɛ ha Ishmael bi ɔmɛ sika hiɔ yi nyingmi enyɔ. Nɛ a kɛ lɛ ho Egipt ya.

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

Matsɛmɛ I, 20:11

Israel matsɛ, Ahab he nɔ ke, “Nyɛ ya de Matsɛ Benhadad ke, ta bulɔ kpakpa a, ta nyagbe e fĩaa ngɛ, se pi ta sisije.”

Samuel I, 25:11

Lɔ ɔ he ɔ, ma ngɔ ye abolo, ye nyu, kɛ lohwehi nɛ i gbe ha ye to he bwɔmi sali ɔ ngɔ ha nihi nɛ i li he nɛ a je ɔ lo?”

Mose II, 32:3

Kɛkɛ nɛ ma a tsuo je sika tsu tue nya ní ɔmɛ ngɛ a tue mi, nɛ a ngɔ kɛ ba ha Aaron.

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Mose I, 24:53

Lɔ ɔ se ɔ, e je sika hiɔ, sika tsu, june níhi, kɛ tadehi kpo, nɛ e kɛ ha Rebeka. Jehanɛ, e ha Rebeka nyɛminyumu ɔ, kɛ e nyɛ hu nike níhi nɛ a he jua wa.

Mose I, 24:22

Benɛ afukpɔngɔ ɔmɛ nu nyu ɔ ta a, nyumu ɔ je sika tsu ga ko nɛ he jua wa kpo, nɛ e kɛ wo Rebeka gugwɔ mi. E kɛ sika tsu kɔni si ga agboagbo enyɔ hu wo Rebeka kɔni si.

Mose I, 35:4

A ngɔ a ma se mawu ɔmɛ tsuo nɛ ngɛ a dɛ ɔ, kɛ a tue nya ní ɔmɛ ba ha Yakob; nɛ Yakob pu ngɛ tso ngua a sisi ngɛ Shekem kasa nya.

Manyadali 8:25

A he nɔ ke, “Wa ma ha kɛ bua jɔmi!” Kɛkɛ nɛ a ngmɛ bo ngɛ zugba, nɛ nɔ tsuaa nɔ sake tue nya ní nɛ e ha a kɛ fɔ bo ɔ mi.

Mose I, 25:12

Abraham bi Ismael nɛ e kɛ Sara mawayo Hagar nɛ je Egipt fɔ ɔ,

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.