Manyadali 8:22 - BAIBLO ALOO NGMAMI KLƆUKLƆU Ɔ

²² Enɛ ɔ se ɔ, Israel ma a de Gideon ke, “Moo ye wa nɔ, o kɛ o bi ɔ, kɛ o bibi ɔ tsuo; ejakaa o je wɔ kɛ je Midian bi ɔmɛ a dɛ mi.”

Manyadali 8:22 ပူးပေါင်းရင်းမြစ်များ

Yohane 6:15

Benɛ Yesu na kaa a ngɛ hlae nɛ a nu lɛ pani nya, nɛ a wo lɛ matsɛ ɔ, e sã e he si, nɛ lɛ nɔ kake e je kpoo kɛ kuɔ yo ɔ ekohu.

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.

Samuel I, 8:5

nɛ a de lɛ ke, “O nɛ, o bwɔ, nɛ o binyumu ɔmɛ ya wo we o nane; lɔ ɔ he ɔ, moo wo matsɛ ha wɔ nɛ e ye wa nɔ kaa bɔ nɛ je ma kpa amɛ ngɛ ɔ.”

Mose I, 37:28

nɛ benɛ Midian jua yeli komɛ ba su a ngɔ ɔ, Yosef nyɛmimɛ ɔmɛ je lɛ kɛ je muɔ ɔ mi, nɛ a jua lɛ kɛ ha Ishmael bi ɔmɛ sika hiɔ yi nyingmi enyɔ. Nɛ a kɛ lɛ ho Egipt ya.

Manyadali 8:21

Zeba kɛ Zalmuna de ke, “Mo nitsɛ moo te si nɛ o gbe wɔ; ejakaa bɔ nɛ nyumu ngɛ ɔ, ja e he wami ngɛ!” Kɛkɛ nɛ Gideon te si nɛ e gbe Zeba kɛ Zalmuna, nɛ e je sika ní ɔmɛ ngɛ a we afukpɔngɔ ɔmɛ a kuɛ.

Manyadali 8:23

Gideon de mɛ ke, “I be nyɛ nɔ yee, nɛ ye binyumu ko hu be nyɛ nɔ yee; Yawɛ nitsɛ ji nɔ nɛ maa ye nyɛ nɔ.”