Manyadali 8:11 - BAIBLO ALOO NGMAMI KLƆUKLƆU Ɔ

¹¹ Gideon gu jua yeli ɔmɛ a blɔ ɔ nɔ ngɛ Noba kɛ Yogbeha a beleku je kɛ ya tua tabo ɔ, benɛ a hɛ be a he nɔ.

Manyadali 8:11 ပူးပေါင်းရင်းမြစ်များ

Mose IV, 32:42

Noba hu ya tua Kenat kɛ kɔpehi nɛ bɔle lɛ ɔ, nɛ e kɛ lɛ nitsɛ e biɛ Noba a wo ma a.

Mose IV, 32:35

Atrot Shofan, Yazer, Yogbeha,

Manyadali 18:27

Benɛ Dan bi ɔmɛ a nine su ní ɔmɛ nɛ Mika pee ɔ, kɛ e osɔfo ɔ a nɔ ɔ, a ho nɛ a ya tua Laish ma kɛ e mi bi kpoo nɛ nɔ́ ko nɔ́ ko pue we a tsui nɔ ɔ ngɛ Bet Rehob bi ɔmɛ a kɔ̃ ɔ mi. A kɛ klaate gbe ma a mi bi ɔmɛ, nɛ a mɛ ma a he la. Nɔ ko nɔ ko ji ngmlaa ha mɛ, ejakaa Laish kɛ Sidon he kɛ, nɛ jehanɛ hu, a kɛ nɔ ko nɔ ko be bɔmi. Dan bi ɔmɛ dla po ma a, nɛ a hi lejɛ ɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Samuel I, 30:16

Nɛ e kɛ David ho. Benɛ a su lejɛ ɔ, a na ni ɔmɛ nɛ a pueɔ si babauu ngɛ zugba. Blɔɔ a ngɛ ní yee, a ngɛ ní nue, nɛ a ngɛ doe; ejakaa ta yibu ní nɛ a nine su nɔ ngɛ Filistia kɛ Yuda a, tsa pi fiɛmi.

Samuel I, 15:32

Jehanɛ Samuel de ke, “Nyɛɛ ngɔ Amalek matsɛ, Agag ɔ kɛ ba hiɛ ɔ.” Agag ba kɛ bua jɔmi, nɛ e de ke, “Niinɛ, gbenɔ doomi ɔ be.”

Manyadali 8:10

Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Manyadali 8:12

Midian matsɛmɛ enyɔ ɔmɛ, nɛ ji Zeba kɛ Zalmuna tu fo, se Gideon nyɛɛ a se kɛ ya si e nine su a nɔ. Kɛkɛ nɛ gbeye nu tabo ɔ tsuo.