Manyadali 8:10 - BAIBLO ALOO NGMAMI KLƆUKLƆU Ɔ

¹⁰ Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Manyadali 8:10 ပူးပေါင်းရင်းမြစ်များ

Matsɛmɛ II, 3:26

Benɛ Moab matsɛ ɔ na kaa e nine kpi ta a he ɔ, e hla klaate hɛɛli lafa kpaago nɛ e ka kaa e kɛ mɛ maa gu he nyɛli ɔmɛ a ta a mi pani nya kɛ ya Edom matsɛ ɔ ngɔ; se a nyɛ we.

Kronika II, 13:17

Abiya kɛ e tabo ɔmɛ gbe Israel bi ɔmɛ basabasa; Israel ta buli nɛ a kɔni si wa akpe lafa enuɔ sɔuu nɔ ngɛ ta a mi.

Kronika II, 28:8

Israel bi ɔmɛ nuu a nyɛmimɛ Yuda bi ɔmɛ a ti nihi akpe lafa enyɔ nɛ ji yihi kɛ jokuɛwi sɔuu nyɔguɛ, nɛ a kɛ mɛ ho Samaria ya. A muɔ ta yibu ní babauu hu kɛ ho.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 9:4

Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

Manyadali 20:15

Benyamin bi nɛ je ma amɛ a mi kɛ ba nɛ a kane mɛ jamɛ a ligbi ɔ ji ta buli akpe nyingmi enyɔ kɛ ekpa; a je blɔ hla ta buli lafa kpaago hu kɛ je Gibea ma a nitsɛ mi.

Manyadali 20:17

Israel wɛtso kpa amɛ nɛ piɛ ɔ hu bua ta buli akpe lafa eywiɛ nya.

Manyadali 20:2

Ma nimeli, kɛ Israel wɛtsoyihi, kɛ ta buli akpe lafa eywiɛ nɛ nyɛɛɔ nane ji nihi nɛ ba bua a he nya ngɛ Mawu ma ngua a mi.

Manyadali 20:25

Benyamin bi ɔmɛ je Gibea ma a mi ekohu ba na Israel bi ɔmɛ, nɛ a gbe Israel ta buli akpe nyɔngma kɛ kpaanyɔ.

Manyadali 20:35

Yawɛ ha Israel ye Benyamin nɔ, nɛ jamɛ a ligbi ɔ, Israel bi ɔmɛ kpata Benyamin ta buli akpe nyingmi enyɔ kɛ enuɔ kɛ e nya lafa a hɛ mi;

Manyadali 20:46

Lɔ ɔ he ɔ, Benyamin bi nɛ a gbe jamɛ a ligbi ɔ ji akpe nyingmi enyɔ kɛ enuɔ; ta buli katsɛmɛ ji mɛ tsuo pɛpɛɛpɛ.

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

Manyadali 7:12

Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Manyadali 7:13

Benɛ Gideon ya su lejɛ ɔ, nɔ ko ngɛ e nyɛmi nlami ko nɛ e nla a sɛɛe ke, “I nla nlami ko; nɛ hyɛ, abolo bɔbɔɛ ko kpɛne kɛ ba sɛ Midian bi ɔmɛ a ta a mi. Abolo nɛ ɔ ba si bo tsu ɔ, nɛ e tsɛ̃ lɛ ko si; nɛ bo tsu ɔ tsɛli ngɛ e se mi.”

Manyadali 7:22

Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.

Manyadali 8:11

Gideon gu jua yeli ɔmɛ a blɔ ɔ nɔ ngɛ Noba kɛ Yogbeha a beleku je kɛ ya tua tabo ɔ, benɛ a hɛ be a he nɔ.