Manyadali 7:9 - BAIBLO ALOO NGMAMI KLƆUKLƆU Ɔ

⁹ Jamɛ a nyɔ ɔ mi nɔuu ɔ, Yawɛ de Gideon ke, “Yaa nɛ o ya tua he nyɛli ɔmɛ a ta a esɔesɔ; ejakaa i ngɔ mɛ kɛ wo o dɛ mi!

Manyadali 7:9 ပူးပေါင်းရင်းမြစ်များ

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Hiob 4:13

Munyu nɛ ɔ he susumi ha nɛ dekla nu mi, nɛ i hwɔ we mahe nyɔ ɔ mi tsuo.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 11:6

Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Manyadali 3:28

E de mɛ ke, “Nyɛɛ nyɛɛ ye se! Yawɛ ngɔ nyɛ he nyɛli, Moab bi ɔmɛ kɛ wo nyɛ dɛ mi.” Nɛ a nyɛɛ e se kɛ ya ngɔ he nɛ a poo Yordan pa a ngɛ kɛ yaa Moab ɔ; a ha we nɛ nɔ ko nɔ ko nɛ po pa a.

Manyadali 7:10

Ke o ngɛ gbeye yee kaa mo nɔ kake too o maa ya a, lɛɛ o kɛ o tsɔlɔ Pura nɛ ya,

Manyadali 7:8

Lɔ ɔ he ɔ, Gideon he niye ní nɛ a kɛ maa to dɛ ɔ, kɛ titimati ɔmɛ ngɛ ma a dɛ. E wo mɛ tsuo blɔ kɛ ho a wehi a mi ya, nɛ e si nimli lafa etɛ ɔmɛ pɛ. Midian bi ɔmɛ a ta a ngɛ kɔ̃ ɔ mi, ngɛ a sisi blɔ.

Samuel I, 14:8

Yonatan de lɛ ke, “Yoo, waa ho nɛ wa ya je wa he kpo kɛ tsɔɔ Filisti bi ɔmɛ.

Samuel I, 23:4

Lɔ ɔ he ɔ, David kpale bi Yawɛ ga womi ekohu. Nɛ Yawɛ de lɛ ke, “Yaa nɛ o ya tua Keila; ejakaa ma ngɔ Filisti bi ɔmɛ kɛ wo o dɛ mi.”