Manyadali 7:19 - BAIBLO ALOO NGMAMI KLƆUKLƆU Ɔ

¹⁹ Gideon kɛ nyumuhi lafa nɛ piɛ e he ɔ ya su ta a he nyɔ mi bumi be ɔ sisi jemi, benɛ a tsake buli ɔmɛ se pɛ. A kpa titimati ɔmɛ, nɛ a ywia kplu ɔmɛ nɛ a hɛɛ ngɛ a dɛ mi ɔ.

Manyadali 7:19 ပူးပေါင်းရင်းမြစ်များ

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

1 Tesalonikabi 5:2

Ejakaa nyɛ nitsɛmɛ nyɛ le tsɔ kaa Nyɔmtsɛ ɔ maa ba tlukaa kaa bɔ nɛ julɔ baa nyɔ mi.

Mateo 25:6

“Nyɔ mi kpɛti ɔ, huhui pɛ ke, ‘Ayɛflo huno ɔ ma oo! Nyɛɛ je kpo nɛ nyɛ ba kpee lɛ!’

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

Manyadali 7:16

E dla nyumuhi lafa etɛ ɔmɛ kɛ wo kuu etɛ mi, nɛ e ha nɔ tsuaa nɔ titimati, kɛ kplu mi gu nɛ jatɛ hɔɔ si ngɛ mi.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Manyadali 7:18

Ke i kɛ nihi tsuo nɛ piɛ ye he ɔ kpa titimati ɔ, nyɛ hu nyɛ kpa nyɛ titimati ɔmɛ kɛ bɔle ta a tsuo; nɛ nyɛ kpa ngmlaa ke, ‘Yawɛ kɛ Gideon ta ji nɛ ɔ nɛ.’ ”

Manyadali 7:20

Kɛkɛ nɛ kuu etɛ ɔmɛ tsuo kpa titimati ɔmɛ, nɛ mɛ hu a ywia kplu ɔmɛ. Mɛ tsuo a hɛɛ jatɛ ɔmɛ kɛ a muɔ nine, nɛ a kɛ a hiɔ nine hɛɛ titimati ɔmɛ. A kpa titimati ɔmɛ kɛ he ose nɛ a de ke, “Yawɛ kɛ Gideon ta hwumi klaate ɔ ji nɛ ɔ nɛ!”

La 90:4

Moo lɛɛ jeha akpe ngɛ kaa ligbi kake ha mo; e ngɛ kaa hiɛmɛ a je hiɛ nɛ be momo, aloo be bɔɔ kɛkɛ ngɛ nyɔ mi.