Manyadali 7:16 - BAIBLO ALOO NGMAMI KLƆUKLƆU Ɔ

¹⁶ E dla nyumuhi lafa etɛ ɔmɛ kɛ wo kuu etɛ mi, nɛ e ha nɔ tsuaa nɔ titimati, kɛ kplu mi gu nɛ jatɛ hɔɔ si ngɛ mi.

Manyadali 7:16 ပူးပေါင်းရင်းမြစ်များ

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Mose I, 14:15

E dla e we bi ɔmɛ kɛ wo kuuhi a mi, nɛ nyɔ mi ɔ, a ya tua a he nyɛli ɔmɛ nɛ a gbe mɛ basabasa. A fie mɛ kɛ je ma a mi kɛ ya si Hoba, ngɛ Damasko omleyi je.

Manyadali 7:15

Benɛ Gideon nu nlami ɔ nɛ a sɛɛ ɔ kɛ e sisi tsɔɔmi ɔ, e kpla si nɛ e sɔle. Lɔ ɔ se ɔ, e kpale e se kɛ ho Israel ta a mi ya, nɛ e ya de ke, “Nyɛɛ te si! Yawɛ ngɔ Midian tabo ɔ kɛ wo nyɛ dɛ mi!”

Manyadali 7:17

Nɛ e de mɛ ke, “Nyɛɛ hyɛ mi! Ke i ya su he nyɛli ɔmɛ a ta a he ɔ, bɔ nɛ ma pee ɔ, nyɛ hu nyɛɛ pee ja nɔuu.

Samuel I, 11:11

E nɔ jena a, Saul gba ma a mi kɛ wo tabo etɛ a mi. Makɛ ɔ, a ya sɛ he nyɛli ɔmɛ a ta a mi, nɛ a tua Amon bi ɔmɛ. A gbe Amon hluu kɛ ya si be nɛ pu da. Ni nɛmɛ nɛ piɛ ɔ gbɛ fĩa, nɛ o be a ti nihi enyɔ po nae ngɛ he kake.

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”