Manyadali 7:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ e nyɛmi ɔ he nɔ, nɛ e de ke, “Nɔ́ nɛ ɔ, pi nɔ́ kpa ko; Yoash binyumu Gideon, Israel no ɔ klaate ɔ ji lɔ ɔ nɛ! Mawu ngɔ Midian bi ɔmɛ kɛ a tabo ɔ tsuo ngɔ wo e dɛ mi!”

Manyadali 7:14 ပူးပေါင်းရင်းမြစ်များ

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

Mose IV, 22:38

Balaam de lɛ ke, “O nɛ mi; i ba! Imi nitsɛ lɛɛ i be he wami nɛ ma kɛ de nɔ́ ko. Nɔ́ nɛ Mawu ke ma de ɔ, lɔ ɔ ji nɔ́ nɛ ma de ɔ nɛ.”

Mose IV, 23:20

Hyɛ, gbaami a fa mi ke ma ba gbaa. Lɛɛ e gbaa momo; imi lɛɛ i be nyɛe ma kpale se.

Mose IV, 23:5

Yawɛ tsɔɔ Balaam nɔ́ nɛ e de Balak, ne e ha nɛ e kpale e se, konɛ e ngɔ sɛ gbi nɛ ɔ ya ha Balak.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Manyadali 3:28

E de mɛ ke, “Nyɛɛ nyɛɛ ye se! Yawɛ ngɔ nyɛ he nyɛli, Moab bi ɔmɛ kɛ wo nyɛ dɛ mi.” Nɛ a nyɛɛ e se kɛ ya ngɔ he nɛ a poo Yordan pa a ngɛ kɛ yaa Moab ɔ; a ha we nɛ nɔ ko nɔ ko nɛ po pa a.

Manyadali 7:13

Benɛ Gideon ya su lejɛ ɔ, nɔ ko ngɛ e nyɛmi nlami ko nɛ e nla a sɛɛe ke, “I nla nlami ko; nɛ hyɛ, abolo bɔbɔɛ ko kpɛne kɛ ba sɛ Midian bi ɔmɛ a ta a mi. Abolo nɛ ɔ ba si bo tsu ɔ, nɛ e tsɛ̃ lɛ ko si; nɛ bo tsu ɔ tsɛli ngɛ e se mi.”

Manyadali 7:15

Benɛ Gideon nu nlami ɔ nɛ a sɛɛ ɔ kɛ e sisi tsɔɔmi ɔ, e kpla si nɛ e sɔle. Lɔ ɔ se ɔ, e kpale e se kɛ ho Israel ta a mi ya, nɛ e ya de ke, “Nyɛɛ te si! Yawɛ ngɔ Midian tabo ɔ kɛ wo nyɛ dɛ mi!”

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”