Manyadali 7:12 - BAIBLO ALOO NGMAMI KLƆUKLƆU Ɔ

¹² Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Manyadali 7:12 ပူးပေါင်းရင်းမြစ်များ

Manyadali 8:10

Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

Manyadali 6:3

Be tsuaa be nɛ Israel bi ɔmɛ ma du ní ɔ, Midian, kɛ Amalek bi, kɛ ma amɛ nɛ ngɛ beleku je ɔ ma ba tua mɛ.

Yoshua 11:4

Matsɛmɛ nɛ ɔmɛ hia ta kɛ a tabo ɔmɛ, kɛ a we okpɔngɔ ɔmɛ, kɛ a ta zugba lɛ ɔmɛ tsuo pɛpɛɛpɛ. A hiɛ babauu kaa wo nya zia.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

La 3:1

Yawɛ, hyɛ bɔ nɛ ye he nyɛli hiɛ ha! Hyɛ kaa nihi babauu te si kɛ wo mi!

Matsɛmɛ I, 4:30

Salomo le ní pe ní leli nɛ ngɛ beleku je kɛ Egipt tsuo.

Manyadali 6:33

E kɛ we kulaa nɛ Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ tsuo pɛpɛɛpɛ ba bua a he nya. A po Yordan pa a, nɛ a ya bua a he nya ekohu ngɛ Yezreel kɔ̃ ɔ mi.

Manyadali 7:13

Benɛ Gideon ya su lejɛ ɔ, nɔ ko ngɛ e nyɛmi nlami ko nɛ e nla a sɛɛe ke, “I nla nlami ko; nɛ hyɛ, abolo bɔbɔɛ ko kpɛne kɛ ba sɛ Midian bi ɔmɛ a ta a mi. Abolo nɛ ɔ ba si bo tsu ɔ, nɛ e tsɛ̃ lɛ ko si; nɛ bo tsu ɔ tsɛli ngɛ e se mi.”

Samuel I, 30:17

E nɔ jena makɛ ɔ, David ya tua mɛ, nɛ e kɛ mɛ hwu kɛ ya si gbɔkuɛ. Nɔ ko nɔ ko he ji mi, kaa ja nihewi lafa eywiɛ nɛ mɛɛ a hi afukpɔngɔ nɔ kɛ tu fo pɛ.

Yeremia 46:23

aloo nihi nɛ ngɛ hue tso gbae. A ta buli ɔmɛ ɔ, nɔ ko li a nya; a he hiɛ babauu pe baalɛhi po.

Samuel I, 13:5

Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.

Matsɛmɛ I, 20:27

Israel bi ɔmɛ hu bua a he nya, nɛ a dla a he kɛ niye ní, nɛ a hia ya pue si ngɛ kuu enyɔ a mi ngɛ Siria bi ɔmɛ a hanɔ. Ke o hyɛ bɔ nɛ Siria bi ɔmɛ ha zugba a tsuo hɛ mi kɛ kpe, nɛ o kɛ mɛ to Israel bi ɔmɛ a he ɔ, Israel bi ɔmɛ pee kaa apletsi kuu nyafinyafi enyɔ pɛ.