Manyadali 7:11 - BAIBLO ALOO NGMAMI KLƆUKLƆU Ɔ

¹¹ nɛ o ya bu a ní sɛɛmi ɔ tue. Lɔ ɔ se ɔ, o ma na kã ko kɛ kple si kɛ ya tua ta a.” Gideon kɛ e tsɔlɔ Pura kple si kɛ ho he nyɛli ɔmɛ a ta a nya ya haa.

Manyadali 7:11 ပူးပေါင်းရင်းမြစ်များ

Mose I, 24:14

Ma de a ti nɔ kake ke, ‘I kpa mo pɛɛ, moo ba o buɛ ɔ nya si nɛ o ha mi nyu ma nu’. Ke e de mi ke ‘He nyu nɛ o nu, nɛ ma ya yɛ eko ba ha o we afukpɔngɔ ɔmɛ hu nɛ a nu’ ɔ, ha jamɛ a yiheyo ɔ nɛ e pee nɔ nɛ o hla kɛ ha o tsɔlɔ Isak. Ke e ba mi ja a, ma le kaa o suɔ ye nyɔmtsɛ ɔ.”

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Mose II, 13:18

Lɔ ɔ he ɔ, Mawu kpaka mɛ kɛ ya lɔgɔ si kɛ gu nga nɔ blɔ ɔ ngɛ Wo Tsu ɔ he. Israel bi ɔmɛ dla a he kɛ ha ta, benɛ a hia kɛ je Egipt zugba a nɔ ɔ.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Manyadali 7:10

Ke o ngɛ gbeye yee kaa mo nɔ kake too o maa ya a, lɛɛ o kɛ o tsɔlɔ Pura nɛ ya,

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 23:16

Saul binyumu Yonatan ba e ngɔ ngɛ lejɛ ɔ ba wo e hemi kɛ yemi ngɛ Mawu mi he wami.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”