Manyadali 7:1 - BAIBLO ALOO NGMAMI KLƆUKLƆU Ɔ

¹ Ligbi ko ɔ, Yerubaal nɛ ji Gideon, kɛ e we bi ɔmɛ tsuo te si mɔtu kpla, nɛ a ya bua a he nya ngɛ Harod nyu vu ɔ nya. Midian ta a ngɛ omleyi je ha mɛ ngɛ More yo ɔ kasa nya, ngɛ kɔ̃ ɔ mi.

Manyadali 7:1 ပူးပေါင်းရင်းမြစ်များ

Manyadali 6:32

Lɔ ɔ he ɔ, kɛ je jamɛ a ligbi ɔ, biɛ nɛ a tsɛɔ Gideon ji Yerubaal. E sisi ji, “Ha nɛ Baal kɛ lɛ ya to ní,” ejakaa e ywia Baal bɔ sami la tɛ ɔ.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Mose I, 12:6

Abram nyɛɛ kɛ be ngɛ zugba a nɔ kɛ ya su tso ngua a nɛ ngɛ More ngɛ Shekem ɔ he. Jamɛ a be ɔ mi ɔ, Kanaan bi ɔmɛ ngɛ zugba a nɔ kɛ mwɔɔ.

Yoshua 6:12

E nɔ jena makɛ mla a, Yoshua te si nɛ e kɛ osɔfo ɔmɛ, kɛ tabo ɔ tsuo ya bɔle ma a kaa bɔ nɛ a pee kekleekle ligbi ɔ: hlami ta a hia, nɛ osɔfo ɔmɛ nɛ kpaa titimati ɔmɛ ɔ nyɛɛ se; jehanɛ, osɔfo ɔmɛ nɛ hɛɛ Yawɛ somi daka a ba, nɛ se ta a gbe nya. Benɛ a ngɛ ma a bɔlee ɔ tsuo titimati ɔmɛ ngɛ pɛe.

Yoshua 3:1

Mɔtu mla a, Yoshua kɛ Israel ma a te si, nɛ a hia kɛ je Shitim kɛ ba Yordan pa a nya. A to si ngɛ lejɛ ɔ, nɛ a mlɛ loko a po pa a.

Mose V, 11:30

(Yo enyɔ nɛ ɔmɛ ngɛ Yordan pa a bonyoku je ngɛ Kanaan bi ɔmɛ a zugba a nɔ, ngɛ Yordan kɔ̃ ɔ mi. A ngɛ bonyoku je, nɛ a kɛ tso ngua amɛ nɛ ngɛ More kɛ Gilgal ɔ a he kɛ we kulaa.)

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Manyadali 6:40

Nɛ Mawu ha e ba mi ja; jamɛ a nyɔ mi ɔ, bɔ́ nɛ ngɛ zugba a nɔ tsuo, se to he womi ɔ pɛ nɛ lɛɛ e gbli.

Manyadali 8:29

Yoash binyumu Gideon, nɛ a tsɛɛ lɛ Yerubaal hulɔ ɔ, je kɛ ho lɛ nitsɛ e we mi ya, nɛ e ya hi lejɛ ɔ.

Samuel I, 12:11

Kɛkɛ nɛ Yawɛ tsɔ Gideon; Gideon se ɔ, e tsɔ Barak; Barak se ɔ, e tsɔ Yefta; nɛ pee se ɔ, e tsɔ imi Samuel. Wa ti nɔ tsuaa nɔ je nyɛ kɛ je nyɛ he nyɛli ɔmɛ nɛ bɔle nyɛ ɔ a dɛ mi, nɛ nyɛ hi si ngɛ tue mi jɔmi mi.

La 83:9

Pee mɛ kaa bɔ nɛ o pee Midian bi ɔmɛ. Pee mɛ kaa bɔ nɛ o pee Sisera kɛ Yabin ngɛ Kishon pa a nya a.

Manyadali 6:33

E kɛ we kulaa nɛ Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ tsuo pɛpɛɛpɛ ba bua a he nya. A po Yordan pa a, nɛ a ya bua a he nya ekohu ngɛ Yezreel kɔ̃ ɔ mi.

Samuel I, 29:1

Filisti bi ɔmɛ bua a tabo ɔmɛ tsuo a nya ngɛ Afek, nɛ Israel bi ɔmɛ hu ya bua ngɛ nyu vu ko nɛ ngɛ Yezreel ɔ kasa nya.