Manyadali 6:5 - BAIBLO ALOO NGMAMI KLƆUKLƆU Ɔ

⁵ Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

Manyadali 6:5 ပူးပေါင်းရင်းမြစ်များ

Lahi 1:5

Nyɛ Yerusalem yihewi! I yuɔ, nɛ ye he ngɛ fɛu saminyayoo. I ngɛ kaa bo tsu nɛ ngɛ Kedar a. Ye he fɛu ɔ, Matsɛ Salomo mɔ ɔ mi tsu mi pomi bo ɔmɛ a he fɛu ɔ pɛ a kɛ maa to he.

Yesaya 13:20

Nɔ ko nɔ ko be lejɛ ɔ hie hu. Arabia no nɛ ngɛ lalaalo woe po be e bo tsu mae ngɛ lejɛ ɔ gblegbleegble; nɛ to hyɛlɔ ko hu be e to ɔmɛ tsɔ̃e kɛ ya ye ní ngɛ lejɛ ɔ.

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yeremia 46:23

aloo nihi nɛ ngɛ hue tso gbae. A ta buli ɔmɛ ɔ, nɔ ko li a nya; a he hiɛ babauu pe baalɛhi po.

Yeremia 49:29

Nyɛɛ ngɔ a bo tsu ɔmɛ, a to ɔmɛ, a bo tsu ɔmɛ a he bo ɔmɛ, kɛ nɔ́ tsuaa nɔ́ nɛ ngɛ a bo tsu ɔmɛ a mi ɔ kɛ ho. Nyɛɛ ngɔ a we afukpɔngɔ ɔmɛ, nɛ nyɛ he ose kɛ wo ma a ke, ‘A sa nyɛ yi oo! Nyɛ yi ta pɛ!’

Yeremia 49:32

“Nyɛɛ ha a we afukpɔngɔ ɔmɛ, kɛ a na amɛ tsuo! Nihi nɛ sɛɛ a yi kasa fa a, ma gbɛ mɛ ngɔ fĩa je ɔ tsuo, nɛ ma ha haomi maa je hehi munomuno kɛ ba na mɛ.

Yeremia 51:14

Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Manyadali 7:12

Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Manyadali 8:10

Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Manyadali 8:21

Zeba kɛ Zalmuna de ke, “Mo nitsɛ moo te si nɛ o gbe wɔ; ejakaa bɔ nɛ nyumu ngɛ ɔ, ja e he wami ngɛ!” Kɛkɛ nɛ Gideon te si nɛ e gbe Zeba kɛ Zalmuna, nɛ e je sika ní ɔmɛ ngɛ a we afukpɔngɔ ɔmɛ a kuɛ.

Samuel I, 30:17

E nɔ jena makɛ ɔ, David ya tua mɛ, nɛ e kɛ mɛ hwu kɛ ya si gbɔkuɛ. Nɔ ko nɔ ko he ji mi, kaa ja nihewi lafa eywiɛ nɛ mɛɛ a hi afukpɔngɔ nɔ kɛ tu fo pɛ.