Manyadali 6:4 - BAIBLO ALOO NGMAMI KLƆUKLƆU Ɔ

⁴ Ke a ba kikɛ nɛ ɔ, a ma kpata zugba a nɔ niba ní tsuo hɛ mi hluu kɛ yaa si Gaza tɔɔ. A maa nuu to ɔmɛ, na amɛ, kɛ teji ɔmɛ tsuo kɛ ho; nɛ a be nɔ́ ko sie ha Israel bi ɔmɛ nɛ a ye.

Manyadali 6:4 ပူးပေါင်းရင်းမြစ်များ

Mose III, 26:16

lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Abɛ Womi 28:3

Ohiatsɛ nɛ waa e nyɛmi ohiatsɛ yi mi ɔ, e ngɛ kaa hiɔmi nɛ nɛɔ kpatakpata tlukaa kɛ kpataa niye ní hɛ mi.

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 10:19

Kanaan bi ɔmɛ a zugba a ngɛ kɛ je Sidon kɛ gu Gera hluu kɛ ya pi Gaza. Jehanɛ, zugba a ya gu Sodom, Gomora, Adma, kɛ Zeboiim blɔ, kɛ ya pi Lasha.

Obadia 1:5

“Ke juli ba jumi nyɔ mi ɔ, a muɔɔ níhi bɔ nɛ a ma nyɛ. Ke nihi bua wai yiblii nya a, a siɔ bɔɔ ko kɛ̃. Se o he nyɛli ɔmɛ lɛɛ, a kpata o nɔ́ tsuaa nɔ́ hɛ mi.

Manyadali 6:3

Be tsuaa be nɛ Israel bi ɔmɛ ma du ní ɔ, Midian, kɛ Amalek bi, kɛ ma amɛ nɛ ngɛ beleku je ɔ ma ba tua mɛ.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.