Manyadali 6:34 - BAIBLO ALOO NGMAMI KLƆUKLƆU Ɔ

³⁴ Kɛkɛ nɛ Yawɛ mumi ɔ ba Gideon nɔ, nɛ e kpa titimati kɛ tsɛ Abiezer bi ɔmɛ ke a ba piɛ e he.

Manyadali 6:34 ပူးပေါင်းရင်းမြစ်များ

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Manyadali 3:27

Benɛ e ya su Efraim yo ɔmɛ a nɔ ɔ, e kpa titimati, nɛ e nyɛɛ Israel bi ɔmɛ a hɛ mi kɛ kple yoku ɔ.

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

La 51:11

Koo fie mi kɛ je o hɛ mi, nɛ ko je o Mumi Klɔuklɔu ɔ kɛ je ye mi.

Samuel I, 16:14

Jehanɛ Yawɛ mumi ɔ je Saul nɔ, nɛ Yawɛ ha mumi yayami ko ba hao lɛ.

Samuel I, 11:6

Benɛ Saul nu munyu nɛ ɔ, Mawu mumi ɔ ba e nɔ, nɛ e mi mi fu wawɛɛ nitsɛ.

Samuel I, 10:6

Yawɛ mumi ɔ maa ba o nɔ; o maa do, nɛ o ma kpa huhui kaa mɛ, nɛ o ma plɛ pee nɔmlɔ kpa.

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.

Manyadali 8:2

Se e de mɛ ke, “Nɔ́ nɛ i tsu ɔ, ke a ngɔ kɛ to nyɛ nɔ́ ɔ he ɔ, e pi nɔ ko kulaa! Ní tsumi bɔbɔyoo ɔ nɛ nyɛ Efraim bi nyɛ tsu ɔ, e hiɛ hluu pe nɔ́ nɛ Abiezer bi nɛ ji ye weku li ɔmɛ tsuo tsu.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Yoshua 17:2

Manase wɛtso ɔ nɛ piɛ ɔ, a ha mɛ a weto ní we puɔ nya we puɔ nya ngɛ Yordan bonyoku je. Yosef bi Manase binyumuhi ji nihi nɛ daa si ha Manase we puɔ nya nɛ ɔmɛ. Mɛ ji Abiezer, Helek, Asriel, Shekem, Hefer, kɛ Shemida.

Mose IV, 10:3

Ke a kpa titimati enyɔ ɔmɛ tsuo ɔ, ma kpekpemi ɔ tsuo kɛ mo ma ba kpe ngɛ kpe he bo tsu ɔ sinya a nya.

Samuel I, 13:3

Yonatan ya gbe Filisti bi a nyatsɛ ɔ nɛ ngɛ Geba a, nɛ Filisti bi ɔmɛ tsuo nu he. Kɛkɛ nɛ Saul ha nɛ a kpa titimati kɛ kpa zugba a nɔ tsuo kɛ tsɛ Hebri bi ɔmɛ kɛ ha ta hwumi.

Kronika I, 12:19

Benɛ David kɛ Filisti bi ɔmɛ hia nɛ a kɛ Matsɛ Saul yaa hwu ta a, ta buli komɛ ku kɛ je Manase wɛtso ɔ mi, nɛ a ba piɛ David he. Anɔkuale mi ɔ, David ya piɛ we Filisti bi ɔmɛ a he kɛ hwui ta a. Filisti matsɛmɛ ɔmɛ nitsɛmɛ ba na kaa ke a hyɛ we nɛ e hi ɔ, David maa je a se, nɛ e ma ya piɛ e nyɔmtsɛ Saul ɔ he, nɛ a maa fia mɛ Filisti bi ɔmɛ se nya kɔ̃. E nɛ ɔ he je ɔ, a ha nɛ e kpale e se.