Manyadali 6:32 - BAIBLO ALOO NGMAMI KLƆUKLƆU Ɔ

³² Lɔ ɔ he ɔ, kɛ je jamɛ a ligbi ɔ, biɛ nɛ a tsɛɔ Gideon ji Yerubaal. E sisi ji, “Ha nɛ Baal kɛ lɛ ya to ní,” ejakaa e ywia Baal bɔ sami la tɛ ɔ.

Manyadali 6:32 ပူးပေါင်းရင်းမြစ်များ

Samuel I, 12:11

Kɛkɛ nɛ Yawɛ tsɔ Gideon; Gideon se ɔ, e tsɔ Barak; Barak se ɔ, e tsɔ Yefta; nɛ pee se ɔ, e tsɔ imi Samuel. Wa ti nɔ tsuaa nɔ je nyɛ kɛ je nyɛ he nyɛli ɔmɛ nɛ bɔle nyɛ ɔ a dɛ mi, nɛ nyɛ hi si ngɛ tue mi jɔmi mi.

Samuel II, 11:21

Nyɛ kaii we bɔ nɛ a gbe Gideon binyumu Abimelek ɔ? Anɛ pi Tebez nɛ yo ko ngɔ wɛ tɛ kɛ gu gbogbo nɔ kɛ ko e yi mi ngɛ nɛ e gbo lo? Mɛni he je nyɛ ya su gbogbo ɔ he haa kikɛ nɛ ɔ?’ Ke matsɛ ɔ bi mo kikɛmɛ a munyu nɛ ɔ, mo de lɛ ke, ‘O tsɔlɔ Uria, Hit no ɔ hu gbo.’ ”

Manyadali 7:1

Ligbi ko ɔ, Yerubaal nɛ ji Gideon, kɛ e we bi ɔmɛ tsuo te si mɔtu kpla, nɛ a ya bua a he nya ngɛ Harod nyu vu ɔ nya. Midian ta a ngɛ omleyi je ha mɛ ngɛ More yo ɔ kasa nya, ngɛ kɔ̃ ɔ mi.

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Yeremia 11:13

Bɔ nɛ Yuda ma amɛ hiɛ ɔ, jã kɛ̃ a mawu ɔmɛ hu hiɛ. Bɔ sami la tɛhi nɛ Yerusalem bi ɔmɛ ma, nɛ a sãã tsopa kɛ e he via ngɛ a nɔ kɛ haa yakayaka mawu ɔ nɛ a tsɛɛ Baal ɔ, jamɛ a bɔ sami la tɛ ɔmɛ a he hiɛ babauu kaa gbɛjegbɛhi nɛ ngɛ ma a mi ɔ kɛ̃.

Manyadali 6:31

Se Yoash de ni ɔmɛ tsuo nɛ ba bɔle lɛ ɔ ke, “Baal he nɛ nyɛ ngɛ pɛe nɛ ɔ? Baal he nɛ nyɛ ngɛ fae nɛ ɔ? Nɔ tsuaa nɔ nɛ ngɛ Baal he pɛe ɔ, a maa gbe lɛ loko je maa na. Baal ɔ, ke mawu ji lɛ ɔ, nyɛ ha e fa lɛ nitsɛ e he; e bɔ sami la tɛ lɛ a ywia a nɛ!”

Manyadali 8:35

Ngɛ kpakpa babauu nɛ Yerubaal (nɛ ji Gideon) pee Israel bi ɔmɛ ɔ nane mi ɔ, Israel pee otlumu ngɛ Gideon we mi bimɛ ɔmɛ a nɔ.