Manyadali 6:30 - BAIBLO ALOO NGMAMI KLƆUKLƆU Ɔ

³⁰ ma mi bi ɔmɛ de Yoash ke, “Ngɔɔ o bi ɔ kɛ ba nɛ a gbe lɛ; ejakaa e ywia Baal bɔ sami la tɛ ɔ, kɛ yo wɔ Ashera hu nɔ́ ɔ.”

Manyadali 6:30 ပူးပေါင်းရင်းမြစ်များ

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

Ni Tsumi 26:9

“Imi nitsɛ hu jinɛ i susu kaa ma bɔ mɔde kɛ puɛ Yesu, Nazaret no ɔ ní tsumi ɔ.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Yeremia 50:38

Pahi tsuo a mi nyu maa mii ta, nɛ nyu hwɔ maa ba zugba a nɔ! Amaga gbeyegbeyehi sɔuu ji zugba a nɔ, nɛ lɔ ɔmɛ ma mi bi ɔmɛ ngɔ a tsui kɛ ha.

Yeremia 26:11

Kɛkɛ nɛ osɔfo ɔmɛ, kɛ gbali ɔmɛ, de ma nimeli ɔmɛ kɛ ma a ke, “Kaa bɔ nɛ nyɛ nitsɛmɛ nyɛ nu kɛ nyɛ tue ɔ, nyumu nɛ ɔ tu munyu kɛ si wa ma a. Lɔ ɔ he ɔ, ja a gbe lɛ!”

Manyadali 6:29

nɛ a bi a sibi ke, “Mɛnɔ po pee nɔ́ nɛ ɔ?” Se benɛ a hla mi, nɛ a bi si, nɛ a ná le kaa Gideon, Yoash binyumu ɔ ji nɔ nɛ ye jamɛ a sane ɔ,

Manyadali 6:31

Se Yoash de ni ɔmɛ tsuo nɛ ba bɔle lɛ ɔ ke, “Baal he nɛ nyɛ ngɛ pɛe nɛ ɔ? Baal he nɛ nyɛ ngɛ fae nɛ ɔ? Nɔ tsuaa nɔ nɛ ngɛ Baal he pɛe ɔ, a maa gbe lɛ loko je maa na. Baal ɔ, ke mawu ji lɛ ɔ, nyɛ ha e fa lɛ nitsɛ e he; e bɔ sami la tɛ lɛ a ywia a nɛ!”