Manyadali 6:27 - BAIBLO ALOO NGMAMI KLƆUKLƆU Ɔ

²⁷ Gideon hla e tsɔli ɔmɛ a kpɛti ni nyɔngma, nɛ e pee kaa bɔ nɛ Yawɛ de lɛ ɔ. Akɛnɛ e ngɛ e we mi bi ɔmɛ, kɛ ma mi bi ɔmɛ gbeye yee he je ɔ, e nyɛ we nɛ e tsu ní tsumi nɛ ɔ piani, se nyɔ mi.

Manyadali 6:27 ပူးပေါင်းရင်းမြစ်များ

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

Yohane 2:5

Jehanɛ ɔ Yesu nyɛ de tsɔli ɔmɛ ke, “Nɔ́ tsuaa nɔ́ nɛ e ma de nyɛ ɔ, nyɛɛ pee.”

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

La 112:5

Nɔmlɔ nɛ e mi mi jɔ, nɔ nɛ paa nɔ nɔ́, nɛ e yeɔ anɔkuale ngɛ e ní tsumi mi ɔ, á gbaa lɛ.

Manyadali 6:26

nɛ o ma bɔ sami la tɛ ha Yawɛ, o Mawu ɔ ngɛ tɛ sa nɛ ɔ nɔ. Lɔ ɔ se ɔ, ngɔɔ Ashera he tso ɔmɛ nɛ o ku pue si ɔ kɛ pee lɛ́, nɛ o ngɔ na ku enyɔne ɔ kɛ sã sami bɔ.”

Manyadali 6:28

Mɔtu kpla benɛ ma mi bi ɔmɛ te si ɔ, a na kaa a ywia Baal bɔ sami la tɛ ɔ, kɛ yo wɔ Ashera nɔ́ ɔ nɛ ngɛ e kasa nya a. A na hu kaa a sã na ku enyɔne ɔ ngɛ bɔ sami la tɛ nɛ a ma a nɔ;