Manyadali 6:26 - BAIBLO ALOO NGMAMI KLƆUKLƆU Ɔ

²⁶ nɛ o ma bɔ sami la tɛ ha Yawɛ, o Mawu ɔ ngɛ tɛ sa nɛ ɔ nɔ. Lɔ ɔ se ɔ, ngɔɔ Ashera he tso ɔmɛ nɛ o ku pue si ɔ kɛ pee lɛ́, nɛ o ngɔ na ku enyɔne ɔ kɛ sã sami bɔ.”

Manyadali 6:26 ပူးပေါင်းရင်းမြစ်များ

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

Samuel II, 24:18

Gad ba David ngɔ jamɛ a ligbi ɔ nɔuu, nɛ e ba de lɛ ke, “Yaa nɛ o ya puɛ bɔ sami la tɛ ha Yawɛ ngɛ Yebus no, Arauna ngma gbeemi he ɔ.”

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Manyadali 6:25

Jamɛ a nyɔ ɔ mi nɔuu ɔ, Yawɛ de Gideon ke, “Yaa nu o tsɛ na ku ɔ, kɛ na ku kpa nɛ ye jeha kpaago; nɛ o ya ku bɔ sami la tɛ ɔ nɛ o tsɛ pee kɛ ha Baal ɔ, kɛ yo wɔ Ashera nɛ ngɛ e kasa nya a,

Manyadali 6:27

Gideon hla e tsɔli ɔmɛ a kpɛti ni nyɔngma, nɛ e pee kaa bɔ nɛ Yawɛ de lɛ ɔ. Akɛnɛ e ngɛ e we mi bi ɔmɛ, kɛ ma mi bi ɔmɛ gbeye yee he je ɔ, e nyɛ we nɛ e tsu ní tsumi nɛ ɔ piani, se nyɔ mi.

Samuel I, 6:14

Tlɔɔke ɔ ba su Bet Shemesh no ɔ nɛ a tsɛɛ lɛ Yoshua a ngmɔ si; nɛ e da si ngɛ tɛ sa agbo ko kasa nya. Kɛkɛ nɛ ni ɔmɛ kplɔ tlɔɔke ɔ he tso ɔ, nɛ a kɛ na amɛ sã sami bɔ ha Yawɛ.

Samuel II, 24:22

Arauna de David ke, “Ye nyɔmtsɛ matsɛ, nɔ́ tsuaa nɔ́ nɛ muɔ o hɛ ɔ, moo ngɔ nɛ o kɛ sã bɔ ɔ. Nahi nɛ o kɛ maa sã sami bɔ ɔ ji nɛ ɔmɛ nɛ; jehanɛ, na kuɛpã tso, kɛ ngma gbeemi tsohi nɛ a kɛ maa pee lɛ́ ɔ hu ji nɛ ɔmɛ nɛ.”