Manyadali 6:23 - BAIBLO ALOO NGMAMI KLƆUKLƆU Ɔ

²³ Se Yawɛ de lɛ ke, “He jɔmi ha mo. Koo ye gbeye; o be gboe!”

Manyadali 6:23 ပူးပေါင်းရင်းမြစ်များ

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Yohane 20:26

Ligbi kpaanyɔ se ɔ, kaseli ɔmɛ bua a he nya ekohu ngɛ tsu mi, nɛ Toma piɛ a he. A nga sinya amɛ, se Yesu ba nɛ e ba da si ngɛ a kpɛti, nɛ e de ke, “Nyɛ he manye!”

Mose I, 43:23

Tsɔlɔ ɔ de ke, “Nyɛ ko ye kɔmɔ. Nyɛ tsui nɛ ko po. Nyɛ Mawu ɔ, nyɛ tsɛ e Mawu ɔ, lɛ nɛ e kɛ sika a wo nyɛ kotoku ɔmɛ a mi ha nyɛ. Ye nine su nyɛ sika a nɔ.” Kɛkɛ nɛ e je Simeon kɛ ba ha mɛ.

Yohane 20:19

Jamɛ a ligbi ɔ nɛ ji otsi ɔ kekleekle ligbi ɔ gbɔkuɛ ɔ, Yuda ma nimeli ɔmɛ a he gbeye nya a, kaseli ɔmɛ ya bua a he nya ngɛ he ko, nɛ a nga sinya amɛ. Tlukaa a, Yesu ba da si ngɛ a kpɛti. E de mɛ ke, “Nyɛ he manye!”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

La 85:8

Nɔ́ nɛ Yawɛ Mawu ngɛ dee ɔ, i nu. E ngɛ wɔ, e ni klɔuklɔu ɔmɛ dee ke e ma ha wɔ tue mi jɔmi, se wa ko kpale ya je kuasia hu.

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Manyadali 6:22

Benɛ Gideon na kaa Yawɛ bɔfo nɛ e na a, e de ke, “Akuanyɛ! Yawɛ Mawu! Yawɛ bɔfo pam lɛ i na hɛ mi kɛ hɛ mi paa kikɛ nɛ ɔ!”

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Manyadali 19:20

Nɔmoyo ɔ de ke, “Nyɛ hee! Mawu nɛ gbaa nyɛ! Nɔ́ tsuaa nɔ́ nɛ maa hia nyɛ ɔ, ma pee ha nyɛ; se magbɛ ɔ nɔ kɛkɛ nɛ nyɛ ko hwɔ.”

Mose I, 32:31

Benɛ Yakob je Peniel ɔ, pu gba; nɛ e gbongu ɔ nɛ huã he je ɔ, e nyɛ we nɛ e nyɛɛ tutuutu.