Manyadali 6:21 - BAIBLO ALOO NGMAMI KLƆUKLƆU Ɔ

²¹ Kɛkɛ nɛ Yawɛ bɔfo ɔ kpã e nine mi, nɛ e kɛ tso ɔ nɛ e hɛɛ ɔ nya sa lo ɔ kɛ abolo kplolo ɔ he. La je tɛ sa a mi sã lo ɔ, kɛ abolo kplolo ɔ. Kɛkɛ nɛ Yawɛ bɔfo ɔ laa.

Manyadali 6:21 ပူးပေါင်းရင်းမြစ်များ

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Kronika II, 7:1

Benɛ Matsɛ Salomo gbe e kue fami ɔ nya a, la je hiɔwe ba sã sami bɔ ɔ, kɛ bɔ kpa amɛ, nɛ Yawɛ hɛ mi nyami ɔ ba hyi we ɔ tɔ.

Matsɛmɛ I, 18:38

Kɛkɛ nɛ Yawɛ ha la je hiɔwe ba sã sami bɔ ɔ, kɛ lɛ́ ɔ, kɛ tɛ ɔmɛ, kɛ tabo zu ɔ, nɛ e mii nyu ɔ nɛ ngɛ muɔ ɔ mi ɔ hulɔ.

Kronika I, 21:26

E ma bɔ sami la tɛ kɛ ha Yawɛ ngɛ lejɛ ɔ, nɛ e sã sami bɔhi, kɛ tue mi jɔmi bɔhi. E fa kue ha Yawɛ, nɛ Yawɛ bu e kue fami ɔ tue. Yawɛ ha nɛ la je hiɔwe ba sã ní ɔmɛ ngɛ bɔ sami la tɛ ɔ nɔ.

Manyadali 13:20

Benɛ la lilɛ ɔ te si kɛ je bɔ sami la tɛ ɔ nɔ ɔ, Manoa kɛ e yo ɔ na Yawɛ bɔfo ɔ ngɛ la lilɛ ɔ mi nɛ e yaa hiɔwe. Kɛkɛ nɛ a ngɔ a hɛ mi ngɔ bu si, ejakaa kpaako Manoa yɔse kaa mamoo Yawɛ bɔfo lɛ je e he kpo kɛ tsɔɔ mɛ ɔ nɛ. Kɛ je lɔ ɔ se ɔ, Yawɛ bɔfo ɔ je we e he kpo kɛ tsɔɔ we Manoa kɛ e yo ɔ hu.

Manyadali 6:20

Se Mawu bɔfo ɔ de lɛ ke, “Ngɔɔ lo ɔ, kɛ abolo kplolo ɔ kɛ pue tɛ sa nɛ ɔ nɔ, nɛ o plɛ lo ɔ he nyu ɔ kɛ pue nɔ.” Gideon pee ja.

Manyadali 13:19

Lɔ ɔ he ɔ, Manoa ngɔ apletsi bɔbɔyoo ɔ, kɛ niye ní bɔ ɔ kɛ sã bɔ ngɛ tɛ sa a nɔ ha Yawɛ nɛ tsuɔ nyakpɛ ní ɔ.

Yesaya 38:7

Yesaya he nɔ ke, “Yawɛ ma ha mo okadi nɛ ɔ kɛ tsɔɔ kaa si nɛ e wo mo ɔ, e maa ye nɔ.