Manyadali 6:20 - BAIBLO ALOO NGMAMI KLƆUKLƆU Ɔ

²⁰ Se Mawu bɔfo ɔ de lɛ ke, “Ngɔɔ lo ɔ, kɛ abolo kplolo ɔ kɛ pue tɛ sa nɛ ɔ nɔ, nɛ o plɛ lo ɔ he nyu ɔ kɛ pue nɔ.” Gideon pee ja.

Manyadali 6:20 ပူးပေါင်းရင်းမြစ်များ

Manyadali 13:19

Lɔ ɔ he ɔ, Manoa ngɔ apletsi bɔbɔyoo ɔ, kɛ niye ní bɔ ɔ kɛ sã bɔ ngɛ tɛ sa a nɔ ha Yawɛ nɛ tsuɔ nyakpɛ ní ɔ.

Manyadali 6:19

Gideon ho nɛ e ya gbe apletsi bɔbɔyoo ko, nɛ e kɛ mamu kilo nyɔngma pee abolo kplolo. Lɔ ɔ se ɔ, e kɛ lo ɔ wo kusii mi, nɛ e plɛ e he nyu ɔ kɛ wo kutu mi; nɛ e ngɔ kɛ ba ha Yawɛ bɔfo ɔ ngɛ tso ngua a sisi.

Manyadali 6:21

Kɛkɛ nɛ Yawɛ bɔfo ɔ kpã e nine mi, nɛ e kɛ tso ɔ nɛ e hɛɛ ɔ nya sa lo ɔ kɛ abolo kplolo ɔ he. La je tɛ sa a mi sã lo ɔ, kɛ abolo kplolo ɔ. Kɛkɛ nɛ Yawɛ bɔfo ɔ laa.

Mose I, 18:3

nɛ e de mɛ ke, “Ye nyɔmtsɛmɛ, i kpa nyɛ pɛɛ nɛ nyɛ ko je lolo. Nyɛɛ hi si ngɛ tso nɛ ɔ sisi nɛ nyɛɛ jɔɔ nyɛ he, nɛ ma ba ha nyɛ nyu bɔɔ nɛ nyɛ kɛ fɔ nyɛ nanehi a he.

Manyadali 13:15

Manoa li tete kaa Yawɛ bɔfo lɛ je e he kpo tsɔɔ mɛ. Lɔ ɔ he ɔ, e de lɛ ke, “I kpa mo pɛɛ, ha waa tsi o nya bɔɔ nɛ waa gbe apletsi bɔbɔyoo ko ha mo nɛ o ye.” Se Yawɛ bɔfo ɔ de lɛ ke, “Ke o tsi ye nya po i be o niye ní ɔ yee. Ke o suɔ ɔ, ngɔɔ lohwe ɔ kɛ sã sami bɔ mohu ha Yawɛ.”