Manyadali 6:18 - BAIBLO ALOO NGMAMI KLƆUKLƆU Ɔ

¹⁸ I kpa mo pɛɛ, koo ya lolo; ha ma ngɔ ye nike ní kɛ ba ma o hɛ mi loko o je.” Yawɛ he nɔ ke, “Ma mlɛ kɛ yaa si o maa kpale kɛ ba.”

Manyadali 6:18 ပူးပေါင်းရင်းမြစ်များ

Manyadali 13:15

Manoa li tete kaa Yawɛ bɔfo lɛ je e he kpo tsɔɔ mɛ. Lɔ ɔ he ɔ, e de lɛ ke, “I kpa mo pɛɛ, ha waa tsi o nya bɔɔ nɛ waa gbe apletsi bɔbɔyoo ko ha mo nɛ o ye.” Se Yawɛ bɔfo ɔ de lɛ ke, “Ke o tsi ye nya po i be o niye ní ɔ yee. Ke o suɔ ɔ, ngɔɔ lohwe ɔ kɛ sã sami bɔ mohu ha Yawɛ.”

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Mose I, 18:3

nɛ e de mɛ ke, “Ye nyɔmtsɛmɛ, i kpa nyɛ pɛɛ nɛ nyɛ ko je lolo. Nyɛɛ hi si ngɛ tso nɛ ɔ sisi nɛ nyɛɛ jɔɔ nyɛ he, nɛ ma ba ha nyɛ nyu bɔɔ nɛ nyɛ kɛ fɔ nyɛ nanehi a he.

Mose I, 19:3

Lot kɛ mɛ tu munyu hluu kɛ ya si a kplɛɛ, nɛ a kɛ lɛ ho e we ɔ mi ya. Lot ha a sã abolo kplolo nɛ a kɛ pee niye ní ha nibwɔ ɔmɛ, nɛ a ye.

Manyadali 6:17

Gideon de lɛ ke, “Ke o ngɛ ye he suɔmi ɔ, lɛɛ moo to mi okadi ko nɛ ma kɛ na kaa mo, Yawɛ nitsɛ lɛ o kɛ mi ngɛ munyu tue ɔ nɛ.

Manyadali 6:19

Gideon ho nɛ e ya gbe apletsi bɔbɔyoo ko, nɛ e kɛ mamu kilo nyɔngma pee abolo kplolo. Lɔ ɔ se ɔ, e kɛ lo ɔ wo kusii mi, nɛ e plɛ e he nyu ɔ kɛ wo kutu mi; nɛ e ngɔ kɛ ba ha Yawɛ bɔfo ɔ ngɛ tso ngua a sisi.