Manyadali 6:15 - BAIBLO ALOO NGMAMI KLƆUKLƆU Ɔ

¹⁵ Gideon de lɛ ke, “I kpa mo pɛɛ Yawɛ, kɛ ma pee kɛ kpɔ Israel kɛɛ? Weku nɛ i je mi ɔ ji weku nyafii pe kulaa ngɛ Manase wɛtso ɔ mi. Tsaatsɛ we ɔ mi hu imi ji jokuɛyo pe kulaa.”

Manyadali 6:15 ပူးပေါင်းရင်းမြစ်များ

Samuel I, 9:21

Saul he nɔ ke, “I je Benyamin, Israel wɛtso nɛ ji nyafii pe kulaa a mi; nɛ ye weku ɔ hu ji weku nyafii pe kulaa ngɛ wɛtso ɔ mi. Mɛni he je mɔ nɛ o kɛ mi ngɛ munyu tue kikɛ nɛ ɔ?”

Mose II, 3:11

Se Mose bi Mawu ke, “Mɛnɔ ji mi, nɛ ma ya Farao ɔ ngɔ, nɛ ma ya je Israel bi ɔmɛ kɛ je Egipt ɔ?”

Mose II, 4:10

Se Mose de Yawɛ ke, “Ye Nyɔmtsɛ, ye nya mi tsɔ we kɛ je sá, nɛ kɛ je be nɛ o kɛ imi, o tsɔlɔ ɔ bɔni munyu tumi nɛ ɔ hu tsakemi ko bɛ; ye munyu tumi ngɛ blɛuu, nɛ ye lilɛ hu jiɔ.”

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

1 Korintobi 15:9

Imi ji bɔfo ɔmɛ tsuo a kpɛti nɔ nɛ sɛ́ pe kulaa; i sɛ́ kaa a tsɛɛ mi bɔfo po, ejakaa i wa Mawu we asafo ɔ yi mi.

Luka 1:34

Maria de bɔfo ɔ ke, “I li nyumu. Lɛ kɛ maa pee kɛɛ nɛ enɛ ɔ maa ba mi?”

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Yeremia 50:45

Lɔ ɔ he ɔ, yi mi nɛ i to kɛ wo Babilon ma a he, kɛ bɔ nɛ i to nɛ ma pee ma mi bi ɔmɛ ji nɛ ɔ nɛ. Nyɛɛ bu tue! A bimɛ tsɔwitsɔwi po a maa gbla mɛ ngɛ zugba kɛ je, nɛ nɔ tsuaa nɔ he mi maa po.

Samuel I, 18:23

Saul tsɔli ɔmɛ ya sɛɛ ní nɛ ɔ ha David, nɛ David de ke, “Matsɛ e ngatsɛ peemi ɔ, e ji hɛ mi nyami agbo! Imi ohiatsɛ nɛ i be blɔ nya ko ɔ, nɔ́ nɛ ɔ kle pe mi.”

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.