Manyadali 6:13 - BAIBLO ALOO NGMAMI KLƆUKLƆU Ɔ

¹³ Gideon de lɛ ke, “I kpa mo pɛɛ, ke Yawɛ kɛ wɔ ngɛ niinɛ ɔ, mɛni he je lɛ ní nɛ ɔmɛ tsuo ba wa nɔ mɔ? Nyakpɛ níhi tsuo nɛ wa nɛmɛ ɔmɛ gba wɔ ke Yawɛ pee ha mɛ ɔ, jije a ngɛ? Pi lɛ nɛ e kpaka mɛ kɛ je Egipt kɛ ba a? Amlɔ nɛ ɔ lɛɛ Yawɛ sake wɔ ngɔ fɔ he; e ngɔ wɔ kɛ wo Midian bi ɔmɛ a dɛ mi.”

Manyadali 6:13 ပူးပေါင်းရင်းမြစ်များ

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yesaya 41:17

“Ke ye ma a ní pee mɔbɔ, nɛ a nɛ nyu nɛ a nu, a kuɔ si tsuo gbli, nɛ kuma ngɛ mɛ yee ɔ, ke a fa kue kɛ tsɛ imi Yawɛ ɔ, ma bu mɛ tue. Imi Israel Mawu ɔ, i be mɛ kuae kɔkɔɔkɔ.

La 89:49

Nyɔmtsɛ, suɔmi nɛ o je kpo blema a, jije jamɛ a suɔmi ɔ ngɛ? Níhi nɛ o wo David si ke o maa pee ɔ, jije ní ɔmɛ ngɛ?

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose I, 25:22

Rebeka ngɔ hawi hɔ, nɛ benɛ e na we nɛ e fɔ mɛ lolo ɔ, jokuɛwi ɔmɛ kɛ a he ngɛ kunɔ nɔe ngɛ a nyɛ ɔ muklii ɔ mi. Rebeka bi e he ke, “Mɛni lɛ ngɛ mi pee nɛ ɔ?” Kɛkɛ nɛ e ho ya bi Yawɛ ga womi.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

La 27:9

koo laa mi.” Koo ngɔ abofu kɛ fie imi, o tsɔlɔ ɔ. Mawu, mo ji ye yi wami helɔ; mo lɛ o piɛɔ ye he. Koo je ye he; ko kua mi.

Mose V, 29:24

Ke e ba mi ja a, je ɔ tsuo ma bi si ke, ‘Mɛni he je nɛ Yawɛ pee e zugba a kikɛ nɛ ɔ?

Manyadali 6:1

Israel bi ɔmɛ pee yayami kɛ si Yawɛ ekohu. Lɔ ɔ he ɔ, Yawɛ hu ngɔ mɛ kɛ wo Midian bi ɔmɛ a dɛ mi jeha kpaago.

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

La 44:9

Se jehanɛ lɛɛ o kua wɔ; o ha wa he guɛ gbo, nɛ o piɛ we wa he kɛ yɛ ta hu.

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?