Manyadali 6:10 - BAIBLO ALOO NGMAMI KLƆUKLƆU Ɔ

¹⁰ nɛ i de nyɛ ke, ‘Imi ji Yawɛ, nyɛ Mawu ɔ, lɔ ɔ he ɔ, nyɛ ko ja Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ.’ Se nyɛ bui mi tue.”

Manyadali 6:10 ပူးပေါင်းရင်းမြစ်များ

Yeremia 10:2

Yawɛ ke, “Nyɛ ko ya nyɛɛ je ma kpa amɛ a blɔ ɔmɛ a nɔ; ke nyɛ na okadihi ngɛ hiɔwe ɔ, nyɛ ko ye mɛ gbeye kaa bɔ nɛ je ma kpa amɛ yeɔ gbeye ɔ.

Yeremia 9:13

Yawɛ he nɔ ke, “Nɔ́ nɛ he je nɛ kikɛmɛ a nɔ́ nɛ ɔ ba ji mlaa nɛ i wo ye ma mi bi ɔmɛ ɔ, a yi nɔ. A bui mi, nɛ nɔ́ nɛ i de mɛ ke a pee ɔ hu, a pee we.

Yeremia 43:7

A bui Yawɛ munyu ɔ tue, nɛ a je kɛ ho Egipt zugba a nɔ ya, kɛ ya su Tapanhes tɔɔ.

Yeremia 43:4

Lɔ ɔ he ɔ, fami ɔ nɛ Yawɛ fa ke a hi Yuda zugba a nɔ ɔ, nɔ ko nɔ ko bui fɛɛ, Karea bi Yohanan jio, asafoatsɛmɛ ɔmɛ jio, ma a jio.

Yeremia 42:21

Lɔ ɔ ji nɔ́ nɛ i de nyɛ mwɔnɛ ɔ nɛ. Se níhi tsuo nɛ Yawɛ, wa Mawu ɔ tsɔ mi ke ma ba de nyɛ ɔ, nyɛ bui tue fɛɛ.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Manyadali 2:2

Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Romabi 10:16

Se kɛ̃ ɔ, pi Israel bi ɔmɛ tsuo nɛ he sane kpakpa a. Ejakaa Yesaya de ke, “Nyɔmtsɛ, wa sane ɔ, mɛnɔ he ye?”

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Abɛ Womi 5:13

I bui ye tsɔɔli fɛɛ, nɛ ma de ke i ngɛ nihi nɛ tuɔ mi slɔmi munyuhi tue bue po.

Matsɛmɛ II, 17:33

Lɔ ɔ he ɔ, a sɔmɔɔ Yawɛ, nɛ a jaa mɛ nitsɛmɛ a mawu ɔmɛ hulɔ, kaa bɔ nɛ a peeɔ ngɛ hehi nɛ a je kɛ ba a.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Manyadali 6:9

Imi lɛ i je nyɛ kɛ je Egipt bi ɔmɛ, kɛ ni nɛmɛ nɛ wa nyɛ yi mi ɔ tsuo a dɛ mi. Imi lɛ i fie mɛ kɛ je a zugba a nɔ, nɛ i ngɔ zugba a kɛ ha nyɛ,

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

Yeremia 17:23

Nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu, a pee we. A wa tue, bɔ nɛ pee nɛ a ko nu nɔ́ nɛ i ngɛ mɛ dee ɔ, nɛ a ba kase ní.