Manyadali 5:9 - BAIBLO ALOO NGMAMI KLƆUKLƆU Ɔ

⁹ Israel tatsɛmɛ ɔmɛ nɛ ngɔ a he ngɔ ke ɔ, i ná a he bua jɔmi. Nyɛ je Yawɛ yi!

Manyadali 5:9 ပူးပေါင်းရင်းမြစ်များ

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Kronika II, 17:16

Asafoatsɛ nɛ ba ngɛ lɛ hu e se ji Zikri binyumu Amasia nɛ ngɔ e he ngɔ ha kaa e ma tsu ní ha Yawɛ. E we bi ɔmɛ a hiɛmi ji akpe lafa enyɔ.

Kronika II, 31:8

Benɛ Matsɛ Hezekia, kɛ ganɔ ɔmɛ ba na nike ní babauu nɛ a kɛ ba a, a je Yawɛ kɛ e ma Israel ɔ a yi.

Nehemia 11:2

Ni kpahi nɛ a si a gugue ke a maa hi Yerusalem ɔ, Israel ma a je a yi saminya.

La 103:2

Ma je Yawɛ yi! Ní kpakpahi nɛ e peeɔ ha mi ɔ, ye hɛ be nɔ jee gblegbleegble.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:17

Nɛ́ i de lɛ ke e ba slaa nyɛ ɔ, e kplɛɛ. Niinɛ, e pee e yi mi momo kaa e maa ba; ejakaa e hɛ ngɛ jae ngɛ nyɛ he, nɛ e suɔ kaa e maa na nyɛ ekohu.

2 Korintobi 9:5

Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

Manyadali 5:2

Nyɛ je Yawɛ yi! Israel nikɔtɔma amɛ nyɛɛ ma a hɛ mi, nɛ ma a ngɔ a he ha kɛ bua jɔmi.