Manyadali 5:30 - BAIBLO ALOO NGMAMI KLƆUKLƆU Ɔ

³⁰ “Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Manyadali 5:30 ပူးပေါင်းရင်းမြစ်များ

Mose II, 15:9

He nyɛlɔ ɔ ke, ‘Ma nyɛɛ a se nɛ ma ya na mɛ; ma dla ta ní ɔmɛ ngɛ ye suɔmi nya. Ma hia ye ha a, nɛ ma kpata a hɛ mi.’

La 45:14

Bo nɛ a lo ní saminyawiiwi kɛ wo mi nɛ e bu kɛ ba matsɛ ɔ ngɔ. E mawa amɛ nɛ a kpaka lɛ kɛ ba; e he biali, kɛ e huɛmɛ nyɛɛ e se yuu.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Samuel II, 13:18

Tsɔlɔ ɔ pee ja, nɛ e la sinya a se. Tamar wo tade klɔii saminyayoo; ejakaa blema a, ja ji bɔ nɛ matsɛmɛ a biyihi nɛ a gbɛ lolo ɔ dlaa a he.

Mose I, 37:3

Yakob suɔ Yosef sane pe e bimɛ ɔmɛ tsuo; ejakaa benɛ a fɔ Yosef ɔ, lɛ Yakob ɔ bwɔ momo. Yakob kpɛ tade klɔii saminyayoo ko ngɔ wo Yosef.

Manyadali 5:19

Matsɛmɛ ɔmɛ ba Taanak ba hwu ta ngɛ Megido pa a nya; Kanaan matsɛmɛ ɔmɛ ba hwu ta, se a nɛ sika hiɔ nɔ́ ko nɛ a ha.

Manyadali 5:29

Yihi ní leli ɔmɛ ha lɛ heto. Lɛ nitsɛ hu e de e he si abɔ ke,

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

Abɛ Womi 16:19

E hi kaa o maa pee o he humi nɛ a na mo ngɛ ohiatsɛmɛ a kpɛti, pe nɔ́ nɛ a maa na mo nɛ o kɛ he nɔ woli ngɛ ní nɛ a ha dlae.

Mose II, 27:16

Piɛ ɔ nya nitsɛ nya bo ɔ lɛɛ e kami nɛ pee nine mi blimi nyingmi eywiɛ. Á ngɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní saminyayoo ngɔ wo mi. Titima eywiɛ, kɛ nɔ dami nɔ́ eywiɛ nɛ hi he.

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.