Manyadali 5:26 - BAIBLO ALOO NGMAMI KLƆUKLƆU Ɔ

²⁶ E hɛɛ bo tsu plɛɛko ngɛ e muɔ nine mi. Ní tsuli a hamle ngɛ e hiɔ nine mi. E ka tso plɛɛko ɔ kɛ wo Sisera tue si; e kɛ gbɔ lɛ, nɛ e ywia e yi.

Manyadali 5:26 ပူးပေါင်းရင်းမြစ်များ

Samuel II, 20:22

Kɛkɛ nɛ yo ɔ ho nɛ e ya wo ma mi bi ɔmɛ ga; nɛ a po Sheba yi nɛ a fɔ ngɔ mane Yoab. Yoab kpa titimati, nɛ e we bi ɔmɛ gbɛ kɛ je ma a he; nɛ nɔ tsuaa nɔ ho e ma mi ya. Yoab kpale kɛ ba matsɛ ɔ ngɔ ngɛ Yerusalem.

Manyadali 4:21

Sisera kɛ pɔ tɔtɔɛ hwɔ mahe vii. Kɛkɛ nɛ Heber e yo Yael ngɔ bo tsu plɛɛko kɛ hamle, nɛ e nyɛɛ blɛuu kɛ ho e ngɔ ya, nɛ e ya ka plɛɛko ɔ kɛ wo e tue si kɛ sɛ zu mi. Nɛ Sisera gbo.

Manyadali 5:25

Sisera bi lɛ nyu, se Yael ha lɛ nyɔ nyu. E kɛ nyami wo tsimi saminyayoo ko mi kɛ ba.

Manyadali 5:27

Sisera nɔ si ngɛ Yael nane nya, nɛ e gbo dii ngɛ lejɛ ɔ. He nɛ e nɔ si ngɛ ɔ, lejɛ ɔ nɔuu e gbo ngɛ.