Manyadali 5:23 - BAIBLO ALOO NGMAMI KLƆUKLƆU Ɔ

²³ Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”

Manyadali 5:23 ပူးပေါင်းရင်းမြစ်များ

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Nehemia 3:5

Gbogbo ɔ he nɛ tsa nɔ ɔ, Tekoa bi nɛ fia. Se Tekoa ma nimeli ɔmɛ lɛɛ, ní tsumi nɛ a nɔ hyɛli ɔmɛ ha mɛ ke a tsu ɔ, a kua tsumi.

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.

Samuel I, 18:17

Ligbi ko ɔ, Saul de David ke, “O nɛ, ye biyo nɔkɔtɔma Merab ji nɛ ɔ nɛ. Ke o maa pee kã, nɛ o maa hwu Yawɛ ta amɛ ha mi ɔ, i kɛ lɛ ma ha mo.” Saul susu kaa ke e pee ja a, Filisti bi ɔmɛ a nine maa su David nɔ nɛ a maa gbe lɛ, nɛ lɛɛ e nine be e he sae.

Samuel I, 17:47

nɛ ma a nɛ bua ngɛ hiɛ ɔ hu maa le kaa pi klaate kɛ akplɔ nɛ Yawɛ kɛ heɔ nɔ yi wami. Yawɛ ye kunimi momo ngɛ ta a nya, nɛ e ma je nyɛ kɛ wo wa dɛ mi.”

Manyadali 13:3

Yawɛ bɔfo je e he kpo tsɔɔ yo ɔ, nɛ e de lɛ ke, “O nɛ, yosa ji mo, nɛ o fɔ we lɛɛ, se jehanɛ, o ma na mi, nɛ o ma fɔ binyumu.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Manyadali 4:6

Ligbi ko ɔ, e tsɔ ya tsɛ Abinoam binyumu Barak ngɛ Kedesh nɛ ngɛ Naftali ɔ kɛ ba, nɛ e de lɛ ke, “Yawɛ, Israel Mawu ɔ ngɛ mo fae ke, ‘Yaa nɛ o ya hla nyumuhi akpe nyɔngma kɛ je Naftali kɛ Zebulun wɛtso ɔmɛ a mi, nɛ o kɛ mɛ nɛ ba Tabor yo ɔ nɔ.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Manyadali 5:13

Kɛkɛ nɛ odehehi nɛ piɛ ɔ kple si kɛ ba. Yawɛ ma a kple si kɛ ba na he nyɛli ɔmɛ.

Manyadali 21:5

Israel bi ɔmɛ bi ke, “Anɛ Israel wɛtso ɔmɛ ekomɛ ngɛ nɛ mɛɛ a bɛ gua a mi ngɛ Yawɛ hɛ mi lo?” A ka kita agbo ke, nɔ tsuaa nɔ nɛ bɛ Yawɛ hɛ mi ngɛ Mizpa a, a gbe lɛ.

Manyadali 8:5

Benɛ a ya su Sukot ɔ, Gideon de nyumu ɔmɛ ngɛ ma a mi ke, “I kɛ ye we bi ɔmɛ ngɛ Zeba kɛ Zalmuna, Midian matsɛmɛ ɔmɛ a se nyɛɛe; nɛ pɔ tɔ wɔ. I kpa nyɛ pɛɛ, nyɛ hla nɔ́ ko ha ye we bi ɔmɛ nɛ a ye.”

Manyadali 8:6

Se Sukot ma tsɔli ɔmɛ de ke, “Anɛ o nine su Zeba kɛ Zalmuna a nɔ momo loko o deɔ wɔ ke wa ha o ta buli ɔmɛ nɔ́ ko nɛ a ye ɔ?”

Manyadali 8:8

Benɛ e je lejɛ ɔ, e ho Penuel ya, nɛ e kɛ mɛ hu ya tu munyu ja nɔuu. Penuel nyumu ɔmɛ hu ha lɛ heto kaa bɔ nɛ Sukot nyumu ɔmɛ de ɔ nɔuu.

Manyadali 21:8

Benɛ a bi si ke Israel wɛtso ɔmɛ a ti mɛnɔ yɛ Yawɛ hɛ mi ngɛ Mizpa a, a na kaa nɔ ko nɔ ko ji Yabesh Gilead kɛ yɛ kpe ɔ,

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?