Manyadali 5:22 - BAIBLO ALOO NGMAMI KLƆUKLƆU Ɔ

²² Kɛkɛ nɛ okpɔngɔ ɔmɛ tuu kɛ ba; a si a nane kokloto si.

Manyadali 5:22 ပူးပေါင်းရင်းမြစ်များ

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Yeremia 47:4

Be ɔ su nɛ a ma kpata Filisti bi ɔmɛ, kɛ a huɛmɛ ɔmɛ tsuo nɛ piɛ ɔ, Tiro, kɛ Sidon a hɛ mi. Imi, Yawɛ nitsɛ ma kpata Filisti bi ɔmɛ, ni nɛmɛ tsuo nɛ je Kreta wo ɔ nya kɛ ba a a hɛ mi.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

La 33:17

Ke o ngɔ o hɛ ngɔ fɔ ta okpɔngɔ nɔ ɔ, e maa pee yaka. Ta okpɔngɔ kɛ e he wami babauu ɔ be nyɛe ma he o yi wami.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

Hiob 39:19

Mo Hiob lɛ o ha okpɔngɔ e he wami ɔ lo? Mo lɛ o ha lɛ bwɔmi gagaa ngɛ e kuɛ he ɔ lo?

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Ezekiel 27:14

Nihi nɛ je Bet Togarma kɛ okpɔngɔhi, ta okpɔngɔhi, kɛ teji okpɔngɔhi ba tsakee o guɛ ní.