Manyadali 5:11 - BAIBLO ALOO NGMAMI KLƆUKLƆU Ɔ

¹¹ Nyɛɛ bu tue! Nimli asafo ɔ nɛ pueɔ si ngɛ nyɛ nyu yɛmi he ɔmɛ ɔ, a ngɛ lae, nɛ a ngɛ gbae bɔ nɛ Yawɛ ye manye ha Israel. Kɛkɛ nɛ Yawɛ ma a kɛ gɛjɛmi nyɛɛ kɛ ba agbo ɔmɛ a nya.

Manyadali 5:11 ပူးပေါင်းရင်းမြစ်များ

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Samuel I, 12:7

Lɔ ɔ he ɔ, nyɛɛ da si dii, konɛ ma po nyɛ nya ngɛ Yawɛ hɛ mi, nɛ ma kai nyɛ ní nguahi nɛ Yawɛ pee kɛ he nyɛɛ kɛ nyɛ nɛmɛ ɔmɛ a yi wami.

Manyadali 5:8

Benɛ Israel bi ɔmɛ ya hla mawu hehi ɔ, ta te si ngɛ zugba a nɔ. Se Israel nyumuhi akpe nyingmi eywiɛ ɔmɛ ɔ, a nɛ tsɛ̃i, loo akplɔ ngɛ nɔ kake po dɛ mi.

Kɔmɔ Yemi 5:9

Wa hɛɛ wa wami ngɛ wa nguɛ nya kɛ ngɛ wa nya mi ngma hlae kɛ bee; ejakaa awi yeli ngɛ zugba a tsuo nɔ kpae.

Kɔmɔ Yemi 5:4

Nyu nɛ wa nuu ɔ po e hia kaa waa wo he hiɔ; nɛ lɛ́ nɛ wa ma slɛ hu ja wa he kɛ sika.

Yesaya 28:6

E ma ha kojoli maa ye dami sane, nɛ ma a agbo nya buli ɔmɛ ma na he wami, nɛ a kɛ he nyɛli nɛ ma ba tua mɛ ɔ maa kpe.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Hiob 29:7

Be tsuaa be nɛ ma nimeli ma bua a he nya ngɛ ma agbo ɔ nya, nɛ ma ho ya hi ye blɔ he ngɛ lejɛ ɔ,

Mose V, 22:24

A kɛ mɛ ni enyɔ ɔmɛ tsuo nɛ je ma a mi, nɛ a ya fiaa mɛ tɛ nɛ a gbo. A gbe yiheyo ɔ, ejakaa ma a mi he nɛ a tsu zo ní nɛ ɔ ngɛ ɔ, kaa e kpa ngmlaa jinɛ ni komɛ maa nu, nɛ a ma ba je ngmlaa ha lɛ. Nyumu ɔ hu, á gbe lɛ, ejakaa e kɛ yiheyo nɛ nɔ ko bi e si ya na bɔmi. Pee jã kɛ je yayami nɛ ɔ kɛ je nyɛ kpɛti.

La 145:7

A ma de ke o mi mi hi saminya. A ma la boboobo ke daa nɛ ɔ, nɔ́ nɛ da pɛ o peeɔ.

Mose I, 24:11

Gbɔkuɛ nya si ɔ, e ha afukpɔngɔ ɔmɛ bu si ngɛ vu ko he ngɛ ma a nya. Jamɛ a be ɔ mi lɛ yihi jeɔ kpo kɛ ba yɛɔ nyu.

Mose I, 29:2

Tlukaa a, e ya pã vu ko nɔ ngɛ nga a nɔ, nɛ to kuu etɛ hwɔɔ si kɛ bɔle vu ɔ. Jamɛ a vu ɔ mi nɛ a yɛɛ nyu ngɛ kɛ haa tohi nɛ a nuɔ, nɛ tɛ agbo ko ngɛ vu ɔ nya.

Mose I, 29:3

Ke to ɔmɛ tsuo ba bua a he nya ngɛ lejɛ ɔ, to hyɛli ɔmɛ ma kpɛne tɛ ɔ kɛ je vu ɔ nya nɛ a ma ha to ɔmɛ nyu. Kɛkɛ ɔ, a ma kpɛne tɛ ɔ kɛ ya to e blɔ he ekohu.

Mose V, 33:21

Benɛ Israel ma nimeli ɔmɛ ba bua a he nya a, Gad bi ɔmɛ ngɔ zugba a he nɛ hi pe kulaa a ngɔ ha a he. A ná nɔkɔtɔma blɔ nya. A bu Yawɛ gbi tue, nɛ a ye e mlaa amɛ a nɔ.”

Manyadali 11:40

nɛ daa jeha a, zangmawi ɔmɛ yaa nɛ a ya yeɔ kɔmɔ ligbi eywiɛ kɛ kaiɔ Gilead no Yefta biyo ɔ.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.