Manyadali 4:9 - BAIBLO ALOO NGMAMI KLƆUKLƆU Ɔ

⁹ Debora he nɔ ke, “I kɛ mo maa ya tsɔ. Se mohu blɔ nɛ o ngɛ hiae nɛ ɔ, hɛ mi nyami nɛ maa ba a be o nɔ́ pee; ejakaa Yawɛ maa ngɔ Sisera kɛ wo yo dɛ mi.” Kɛkɛ nɛ Debora te si nɛ e kɛ Barak je kɛ ho Kedesh ya.

Manyadali 4:9 ပူးပေါင်းရင်းမြစ်များ

Kronika II, 26:18

nɛ a ya tsi e nya. A de lɛ ke, “Uzia, o be he blɔ nɛ o sãã tsopa kɛ e he via kɛ haa Yawɛ. Osɔfo ɔmɛ, nɛ ji Aaron nina a, mɛ pɛ ji ni nɛmɛ nɛ a hla ngɔ to nɛ a tsu nɔ́ nɛ ɔ. Jee he klɔuklɔu nɛ ɔ. O tɔ̃ Yawɛ Mawu ɔ nɔ, nɛ e gbaami be o nɔ hu.”

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 4:8

Barak de lɛ ke, “Ke o kɛ mi maa ya a, ma ya. Se ke o kɛ mi be yae ɔ, lɛɛ imi hu i be yae.”

Manyadali 9:53

yo ko fɔ wɛ tɛ mi bi kɛ fia Abimelek yi; nɛ e yi ɔ ywia.

Manyadali 9:54

Kɛkɛ nɛ e tsɛ niheyo ɔ nɛ hɛɛ e ta hwumi ní ɔmɛ esɔesɔ, nɛ e de lɛ ke, “Moo hia o klaate ɔ nɛ o kɛ gbe mi, nɛ a ko ba de ngɛ ye he ke, ‘Yo kpamakpa nɛ gbe lɛ.’ ” Nɛ niheyo ɔ gbɔ lɛ klaate ɔ nɛ e gbo.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.