Manyadali 4:7 - BAIBLO ALOO NGMAMI KLƆUKLƆU Ɔ

⁷ Ma ha Yabin tatsɛ Sisera kɛ e ta zugba lɛ ɔmɛ, kɛ e ta buli ɔmɛ kɛ mo ma ba kpe ngɛ Kishon pa a nya; nɛ ma ngɔ lɛ ngɔ wo o dɛ mi.’ ”

Manyadali 4:7 ပူးပေါင်းရင်းမြစ်များ

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 14:8

Yawɛ kplii Egipt matsɛ ɔ tsui, nɛ be nɛ Israel bi ɔmɛ yaa kɛ gɛjɛmi ɔ, e fie a se.

Mose II, 21:13

Ke e nine ya kpa ngɛ nɔ ɔ nɔ tlukaa, se pi kaa e je blɔ pee ɔ, lɛɛ ma tsɔɔ mo he nɛ e tu fo kɛ ya.

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

Yoshua 11:6

Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”

Yoshua 8:7

Kɛkɛ ɔ, nyɛ ka woli ɔmɛ nyɛ maa je se je ɔ kɛ ba tua ma a; ejakaa Yawɛ, nyɛ Mawu ɔ maa ngɔ ma a ngɔ wo nyɛ dɛ.

Manyadali 4:14

Kɛkɛ nɛ Debora de Barak ke, “Tee si! Mwɔnɛ ligbi nɛ ɔ, Yawɛ ngɔ Sisera kɛ wo o dɛ mi. Anɛ pi Yawɛ nitsɛ nɛ hia kɛ nyɛɛ o hɛ mi kɛ yaa a lo?” Lɔ ɔ he ɔ, Barak kple Tabor yo ɔ, kɛ e we bi akpe nyɔngma amɛ ngɛ e se.

Manyadali 4:8

Barak de lɛ ke, “Ke o kɛ mi maa ya a, ma ya. Se ke o kɛ mi be yae ɔ, lɛɛ imi hu i be yae.”

Manyadali 5:21

Kishon pa a muɔ mɛ kɛ ho; niinɛ, Kishon nyu dɔ ɔ muɔ mɛ kɛ ho. Imi lɛɛ ma nyɛɛ kɛ he wami!

Samuel I, 24:10

Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’

Samuel I, 24:18

Mwɔnɛ ɔ, o na mi mɔbɔ agbo; ejakaa be mi nɛ Yawɛ je mi kɛ wo o dɛ mi ɔ, o gbi mi.