Manyadali 4:5 - BAIBLO ALOO NGMAMI KLƆUKLƆU Ɔ

⁵ E pɔɔ si himi ngɛ tã ko sisi ngɛ Rama kɛ Betel a kpɛti, ngɛ Efraim yo ɔmɛ a nɔ. Israel bi ɔmɛ kɛ a sane yaa e ngɔ ngɛ lejɛ ɔ, nɛ e hyɛɛ mi ha mɛ.

Manyadali 4:5 ပူးပေါင်းရင်းမြစ်များ

Yeremia 31:15

Yawɛ ke, “A nu gbi ko ngɛ Rama, kɔmɔ yemi kɛ ya fomi nɛ nya wa, Rahel ngɛ e bimɛ ɔmɛ foe nɛ e kplɛɛ we kpatami, ejakaa a be hu.

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.

Yoshua 18:25

Ekomɛ hu ji Gibeon, Rama, Beerot,

Yoshua 18:22

Bet Araba, Zemaraim, Betel,

Yoshua 16:2

E tsa nɔ kɛ ya gu Luz; nɛ e po mi kɛ ho Atarot Adar, he nɛ Ark bi ɔmɛ hi ɔ ya.

Mose II, 18:26

Mɛ ji ni nɛmɛ nɛ kojoɔ ma a sanehi daa be tsuaa be. Mɛ nitsɛmɛ nɛ a buá sane tsɔwitsɔwihi a he; se sanehi nɛ a he wa lɛɛ a kɛ baa Mose ngɔ.

Mose II, 18:19

Lɔ ɔ he ɔ, moo bu mi tue nɛ ma wo mo ga; Mawu nɛ piɛ o he. Moo lɛɛ moo da ma a nane mi ngɛ Mawu hɛ mi, nɛ o ngɔ a sane ɔmɛ kɛ ba fɔ Mawu hɛ mi.

Mose II, 18:13

E nɔ jena a, Mose he sɛ, nɛ a kɛ ma sanehi ba e hɛ mi nɛ e kojo. E kojo kɛ je mɔtu kɛ ya si du bubui nɛ ni ɔmɛ daa si.

Mose I, 35:8

Bimɛanyɛ ɔ nɛ hyɛ Rebeka ngɛ e jokuɛ mi, nɛ a tsɛɛ lɛ Debora a ba gbo, nɛ a pu lɛ ngɛ tso ngua a sisi, ngɛ Betel leneyi je. Enɛ ɔ he je ɔ, a wo lejɛ ɔ biɛ ke, “Tso ngua he nɛ a woɔ ya ngɛ.”

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.

Samuel I, 1:19

E nɔ jena a, Elkana kɛ e yi ɔmɛ, kɛ e bimɛ ɔmɛ te si mla, nɛ benɛ a ja Yawɛ ta a, a kpale a se kɛ ho a we mi ya ngɛ Rama. Elkana kɛ e yo Hana na bɔmi, nɛ Yawɛ bu Hana kue fami ɔ tue.

Mose II, 18:16

Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Manyadali 4:4

Jamɛ a be ɔ mi ɔ, gbalɔyo ko ji nɔ nɛ ngɛ Israel ma a nya. Lɛ ji Lapidot yo Debora.

Samuel I, 22:6

Saul ba nu kaa a ya na David kɛ nyumuhi nɛ piɛ e he ɔ. Jamɛ a be ɔ, Saul hii si ngɛ tso nguaa ko sisi ngɛ yoku ko nɔ ngɛ Gibea. E hɛɛ e we akplɔ ɔ ngɛ e dɛ, nɛ e tsɔli ɔmɛ tsuo daa si kɛ bɔle lɛ.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.