Manyadali 4:20 - BAIBLO ALOO NGMAMI KLƆUKLƆU Ɔ

²⁰ Lɔ ɔ se ɔ, Sisera de lɛ ke, “Yaa da si ngɛ bo tsu sinya a nya. Ke nɔ ko ba bi mo ke nɔ ko ngɛ hiɛ ɔ lo ɔ, de lɛ ke, ‘Dɛbi.’ ”

Manyadali 4:20 ပူးပေါင်းရင်းမြစ်များ

Samuel II, 17:20

Benɛ Absalom tsɔli ɔmɛ ba su we ɔ mi ɔ, a bi yo ɔ ke, “Jije Ahimaaz kɛ Yonatan ngɛ?” Yo ɔ he nɔ ke, “A po pa a kɛ ho.” Ni ɔmɛ hla mɛ hluu, se a nɛ mɛ; kɛkɛ nɛ a kpale a se kɛ ho Yerusalem ya.

Manyadali 4:19

Sisera de lɛ ke, “I kpa mo pɛɛ, ha mi nyu bɔɔ nɛ ma nu; kuma ngɛ mi yee.” Yael bli lohwehi a he womi kotoku ko nɛ nyɔ nyu ngɛ mi nya, nɛ e ha lɛ eko nɛ e nu; nɛ e ngɔ sa nɔ bo kɛ ha e nɔ ekohu.

Manyadali 4:21

Sisera kɛ pɔ tɔtɔɛ hwɔ mahe vii. Kɛkɛ nɛ Heber e yo Yael ngɔ bo tsu plɛɛko kɛ hamle, nɛ e nyɛɛ blɛuu kɛ ho e ngɔ ya, nɛ e ya ka plɛɛko ɔ kɛ wo e tue si kɛ sɛ zu mi. Nɛ Sisera gbo.