Manyadali 4:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ Debora de Barak ke, “Tee si! Mwɔnɛ ligbi nɛ ɔ, Yawɛ ngɔ Sisera kɛ wo o dɛ mi. Anɛ pi Yawɛ nitsɛ nɛ hia kɛ nyɛɛ o hɛ mi kɛ yaa a lo?” Lɔ ɔ he ɔ, Barak kple Tabor yo ɔ, kɛ e we bi akpe nyɔngma amɛ ngɛ e se.

Manyadali 4:14 ပူးပေါင်းရင်းမြစ်များ

Samuel II, 5:24

Ke o nu nɔ́ ko nɛ ngɛ pɛe ngɛ tso ɔmɛ a yi mi kaa tabohi a nyɛɛmi ɔ, yaa nɛ o ya tua Filisti bi ɔmɛ; ejakaa Yawɛ nyɛɛ o hɛ mi kɛ yaa nɛ e ya gbe Filisti ta buli ɔmɛ.”

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Samuel I, 9:26

nɛ e hwɔ lejɛ ɔ. Makɛ ɔ, Samuel tsɛ Saul ngɛ tsu ɔ yi mi nɛ e de lɛ ke, “Tee si nɛ ma wo mo blɔ nɛ o ho.” Saul te si, nɛ e kɛ Samuel tsuo je kpo.

Manyadali 19:28

E de lɛ ke, “Tee si nɛ waa ho!” Se yo ɔ he we nɔ. Lɔ ɔ he ɔ, e ngɔ lɛ ngɔ fɔ e teji ɔ nɔ, nɛ e pue nɔ kɛ ho e ma mi ya.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Mose I, 44:4

Benɛ a je ma a mi, nɛ a sui he ko tsitsaa lolo ɔ, Yosef de tsɔlɔ ɔ nɛ hyɛɛ e we ɔ nɔ ɔ ke, “Tee si esɔ, nɛ o nyɛɛ nyumu ɔmɛ a se. Ke o ya na mɛ ɔ, bi mɛ ke, ‘Mɛni he je nyɛɛ kɛ yayami to kpakpa nɛ a pee nyɛ ɔ nane mi ɔ?

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Manyadali 4:10

Barak ya kpee Zebulun kɛ Naftali wɛtso ɔmɛ kɛ ho Kedesh ya; nɛ nyumuhi akpe nyɔngma nyɛɛ e se. Debora hu kɛ lɛ ho.

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Manyadali 7:9

Jamɛ a nyɔ ɔ mi nɔuu ɔ, Yawɛ de Gideon ke, “Yaa nɛ o ya tua he nyɛli ɔmɛ a ta a esɔesɔ; ejakaa i ngɔ mɛ kɛ wo o dɛ mi!