Manyadali 4:13 - BAIBLO ALOO NGMAMI KLƆUKLƆU Ɔ

¹³ Sisera bua e dade ta zugba lɛ lafa nɛɛ ɔ, kɛ e we bi ɔmɛ tsuo a nya, nɛ a hia kɛ je Haroshet ngɛ ma je li ɔmɛ a zugba a nɔ kɛ ho Kishon pa a nya ya.

Manyadali 4:13 ပူးပေါင်းရင်းမြစ်များ

Manyadali 4:7

Ma ha Yabin tatsɛ Sisera kɛ e ta zugba lɛ ɔmɛ, kɛ e ta buli ɔmɛ kɛ mo ma ba kpe ngɛ Kishon pa a nya; nɛ ma ngɔ lɛ ngɔ wo o dɛ mi.’ ”

Yoshua 17:16

A je nya ke, “Yo nɔ zugba a klee we ha wɔ. Jehanɛ hu, Kanaan bi ɔmɛ nɛ ngɛ nga kplanaa a nɔ ngɛ Bet Shan kɛ a he kɔpe ɔmɛ a mi, kɛ ni ɔmɛ nɛ ngɛ Yezreel kɔ̃ ɔ mi tsuo ngɛ dade ta zugba lɛhi.”

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Manyadali 4:12

Benɛ a ya bɔ Sisera amaniɛ kaa Abinoam binyumu Barak hia ta kɛ ho Tabor yo ɔ nɔ ya a,

Manyadali 5:19

Matsɛmɛ ɔmɛ ba Taanak ba hwu ta ngɛ Megido pa a nya; Kanaan matsɛmɛ ɔmɛ ba hwu ta, se a nɛ sika hiɔ nɔ́ ko nɛ a ha.

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.